കോഴിക്കോട് ജില്ലാ ബധിര അസോസിയേഷൻ്റെ ആഭിമുഖ്യത്തിൽ നടത്തിയ ബധിര വാരാചരണം സമാപിച്ചു

ഒരാഴ്ച നീണ്ടു നിന്ന ബധിര വാരാചരണത്തിൻ്റെ സമാപനം. 22 മുതൽ 28 വരെ കോഴിക്കോട് ജില്ലാ ബധിര അസോസിയേഷൻ്റെ ആഭിമുഖ്യത്തിൽ വിവിധ പരിപാടികളോടെ നടത്തിയ ബധിര വാരാചരണത്തിൻ്റെ സമാപന സമ്മേളനം കേന്ദ്ര ഭിന്നശേഷി ശാക്തീകരണ മന്ത്രാലയത്തിന് കീഴിൽ പ്രവർത്തിക്കുന്ന കമ്പസിറ്റ് റീജീയണൽ സെൻ്റർ ഡയരക്ടർ ഡോ കെ എൻ റോഷൻ ബിജോലി ഉദ്ഘാടനം ചെയ്തു. അസിസ്റ്റൻ്റ് പോലീസ് കമ്മീഷണർ ഉമേഷ് കുമാർ മുഖ്യ പ്രഭാഷണവും സമ്മാന ദാനവും നടത്തി. വിവിധ സെഷനുകളിലായി ജർമൻ ഗ്ലോബൽ ഫൗണ്ടേഷൻ ഡയരക്ടർ എസ് വിനയ്, എണേബിൾ ഇന്ത്യ ഡയരക്ടർ തുഷാർ വാനി എന്നിവർ ബാധിരർക്കായി പ്രത്യേക ക്ലാസുകൾ നടത്തി. തുടർന്ന് ബാധിതരുടെ കുടുംബ സംഗമവും സൈൻ ലാംഗ്വേജ് ഡ്രാമയും നടന്നു. വിവിധ മേഖലകളിൽ മികവ് തെളിയിച്ച വ്യക്തികളെ ആദരിച്ചു. ടൗൺ ഹാളിൽ വെച്ച് നടന്ന ചടങ്ങിൽ അസോസിയേഷൻ പ്രസിഡൻ്റ് വി എ യൂസഫ് അധ്യക്ഷത വഹിച്ചു. പി പി നൗഷാദ് സ്വാഗതവും കെ പി ബൈജു നന്ദിയും പറഞ്ഞു. കെ റഫീക്ക്, പി കെ ലോറൻസ്, പി ഷബീർ, കെഎ വി ഷിബി, ഹസീന ടി എ, ആയിഷ വസ്‌ന അൻവർ, സമാൽ പ്രശാന്ത, കെ സരിത, അബ്ദുൽ അലി, കെ വി റബിത കെ കെ ഉണ്ണികൃഷ്ണൻ, ശ്യാംജിത് എന്നിവർ സംസാരിച്ചു.