പൊയിൽക്കാവ് ദുർഗ്ഗാ ദേവി ക്ഷേത്രത്തിൽ വയോജന കൂട്ടായ്മ സംഗീത സായന്തനം സംഘടിപ്പിച്ചു

ജഗദാനന്ദ കാരകാ… പാടി വയോജനങ്ങൾ
കൊയിലാണ്ടി: സംഗീത പഠനത്തിന് പ്രായം ഒരു തടസ്സമല്ലെന്നും ജീവിത സായാഹ്നങ്ങളെ പുത്തനുണർവ്വിന്റെ പുലർ വേളകളാക്കാമെന്നും തെളിയിച്ചു കൊണ്ട് വയോജന കൂട്ടായ്മ സംഗീത സായന്തനം സംഘടിപ്പിച്ചു. നവരാത്രി മഹോത്സവത്തിന്റെ ഭാഗമായി പൊയിൽക്കാവ് ദുർഗ്ഗാ ദേവി ക്ഷേത്രത്തിൽ നടന്ന സംഗീത സായന്തനത്തിൽ സംഗീത പഠന ക്ലാസ്സിലെ മുതിർന്ന പൗരന്മാരായ പഠിതാക്കളാണ് പരിപാടികൾ അവതരിപ്പിച്ചത്. കർണാടക സംഗീതത്തിലെ പ്രസിദ്ധമായ ത്യാഗരാജ സ്വാമികളുടെ ജഗദാനന്ദ കാരകാ എന്ന പഞ്ചരത്ന കീർത്തനങ്ങളും, ഒപ്പം മുത്തുസ്വാമി ദീക്ഷിതരുടേയും പുരന്ദര ദാസരുടേയും കീർത്തനങ്ങളും ഇവർ ആലപിച്ചു.

സംഗീത പഠനത്തിലൂടെ ജീവിതത്തിനു തന്നെ ഒരു നവോന്മേഷം കൈവന്നതായി ഇവരിൽ പലരും അഭിപ്രായപ്പെട്ടു. നാലു വർഷത്തോളമായി ചെങ്ങോട്ടുകാവിലെ ശ്രീ രാമാനന്ദാ ആശ്രമം സ്കൂൾ കേന്ദ്രീകരിച്ചു സംഗീതജ്ഞൻ പാലക്കാട് പ്രേം രാജിന്റെ ശിക്ഷണത്തിൽ സംഗീതം പഠിക്കുന്ന ഇവരിൽ ഏറിയ പങ്കും സ്ത്രീകൾ തന്നെ. പക്കമേളക്കാരായി വയലിനിൽ പുഷ്പാ പ്രേം രാജും, മൃദംഗത്തിൽ പന്തലായനി രാമകൃഷ്ണനും, തബലയിൽ ബാലകൃഷ്ണൻ കരുവന്നൂരും, കീ ബോർഡിൽ അശ്വിൻ പി. പ്രേമും അകമ്പടി സേവിച്ചു.

മുതിർന്നവരുടെ മാനസികവും ശാരീരികവുമായ സ്വാസ്ഥ്യത്തിന് ഇത്തരം കലകൾക്കുള്ള പങ്ക് വളരെ വലുതാണെന്നും, ഇവർ പുതിയ തലമുറയ്ക്ക് മാതൃകയാണെന്നും ആമുഖ ഭാഷണത്തിൽ കേരള സീനിയർ സിറ്റിസൺസ് ഫോറം കോഴിക്കോട് ജില്ലാ സെക്രട്ടറി സോമൻ ചാലിൽ അഭിപ്രായപ്പെട്ടു.
കൊയിലാണ്ടി കൈരളി ഓഡിറ്റോറിയത്തിൽ ഒക്ടോബർ 1 ന് മലരി കലാമന്ദിരം നടത്തുന്ന നവരാത്രി സംഗീതോത്സവത്തിലും ഇവർ പരിപാടികൾ അവതരിപ്പിക്കുന്നുണ്ട്.

Leave a Reply

Your email address will not be published.

Previous Story

ആര്യാടൻ മുഹമ്മദ്‌ അനുസ്മരണ യോഗം സംഘടിപ്പിച്ചു

Next Story

വി.വി ചന്തപ്പന്റെ ഒന്നാം ചരമവാർഷിക ദിനത്തിൽ കോൺഗ്രസ് പ്രവർത്തകർ സ്മൃതി മണ്ഡപത്തിൽ പുഷ്പാർച്ചനയും അനുസ്മരണവും നടത്തി

Latest from Local News

കോഴിക്കോട് ഗവ: മെഡിക്കൽകോളേജ് ഹോസ്പിറ്റൽ 27-10-25 തിങ്കൾ പ്രവർത്തിക്കുന്ന ഒ.പി.വിവരങ്ങൾ

കോഴിക്കോട് ഗവ: മെഡിക്കൽകോളേജ് ഹോസ്പിറ്റൽ 27-10-25.തിങ്കൾ. പ്രവർത്തിക്കുന്ന ഒ.പി.വിവരങ്ങൾ 1 മെഡിസിൻ വിഭാഗം ഡോ ഗീത പി. 2 സർജറി വിഭാഗം

ശുചിത്വ ഫെസ്റ്റ്: മെഗാ മെഡിക്കല്‍ ക്യാമ്പും ബോധവത്കരണ ക്ലാസും സംഘടിപ്പിച്ചു

പേരാമ്പ്ര ബ്ലോക്ക് പഞ്ചായത്ത് ശുചിത്വ ഫെസ്റ്റിന്റെ ഭാഗമായി ബ്ലോക്ക് പരിധിയിലെ ഏഴ് ഗ്രാമപഞ്ചായത്തുകളിലെ ഹരിത കര്‍മസേനാംഗങ്ങള്‍ക്കായി മെഗാ മെഡിക്കല്‍ ക്യാമ്പും ബോധവത്കരണ

കൊയിലാണ്ടി നഗര സഭ യു.ഡി.എഫ് ജനമുന്നേറ്റ യാത്രക്ക് തുടക്കമായി

കൊയിലാണ്ടി: കൊയിലാണ്ടി നഗരസഭ ഇടത് ദുർഭരണത്തിനും അഴിമതിക്കും സ്വജനപക്ഷപാതത്തിനുമെതിരെ UDF ജനമുന്നേറ്റ യാത്രക്ക് കൊയിലാണ്ടിയിൽ തുടക്കമായി. ഒക്ടോബർ 26, 27 തിയ്യതികളിൽ

പി.എം.ശ്രീ ധൃതി കാണിച്ചത് ആശങ്കാജനകം -എം.ജി.എം

കൊയിലാണ്ടി: “വികലമാക്കരുത് വിവാഹ വിശുദ്ധി” എന്ന പ്രമേയത്തിൽ എം.ജി.എം. നടത്തിയ കാമ്പയിൻ്റെ കോഴിക്കോട് നോർത്ത് ജില്ലാ സമാപന സമ്മേളനം കൊയിലാണ്ടി നഗരസഭാ

ബെവ്‌കോ ജീവനക്കാർ സംയുക്ത സമരസമിതിയുടെ നേതൃത്വത്തിൽ പണിമുടക്കിലേക്ക്

കോഴിക്കോട് :ബെവ്‌കോ ചില്ലറ വില്പനശാലകളിൽ ജോലി ചെയ്തു വരുന്ന ജീവനക്കാർക്ക് മാനേജ്മെന്റ് ശുപാർശ പ്രകാരമുള്ള അഡീഷണൽ അലവൻസ് വർദ്ധിപ്പിച്ച് നൽകാത്തതിലും നിലവിൽ