“ചിറക് 2025” ചാമ്പ്യന്മാരായി ശാന്തി സദനം സ്കൂൾ, പുറക്കാട്

കോഴിക്കോട് : കാരുണ്യതീരം ക്യാമ്പസിൽ വച്ച് നടന്ന കോഴിക്കോട് റവന്യൂ ജില്ലാ സ്പെഷ്യൽ സ്കൂൾ കലോത്സവം “ചിറക് 2025” മികച്ച മത്സരങ്ങളും ആവേശകരമായ പങ്കാളിത്തവുമൊടുകൂടി നിറഞ്ഞൊഴുകി.

           ഈ വർഷത്തെ കലോത്സവത്തിൽ ഓവറോൾ ചാമ്പ്യൻഷിപ്പ് നേടി ശാന്തി സദനം സ്കൂൾ ഫോർ ഡിഫറെന്റലി എബിൾഡ്, പുറക്കാട്. നെസ്റ്റ് സ്പെഷ്യൽ സ്കൂൾ, കൊയിലാണ്ടി റണ്ണറപ്പും തണൽ കരുണ, കുറ്റ്യാടി മൂന്നാം സ്ഥാനവും കരസ്ഥമാക്കി. ജില്ലയിലെ 22 സ്പെഷ്യൽ സ്കൂളുകളിൽ നിന്നുള്ള 246 ഭിന്നശേഷി വിദ്യാർത്ഥികൾ മോഹിനിയാട്ടം, നാടോടി നൃത്തം, സംഘനൃത്തം, ലളിതഗാനം, സംഘഗാനം, ദേശഭക്തിഗാനം, ചിത്രരചന, പെയിന്റിംഗ്, ഉപകരണസംഗീതം തുടങ്ങി വൈവിധ്യമാർന്ന മത്സരങ്ങളിൽ തങ്ങളുടെ കഴിവുകൾ തെളിയിച്ചു.

           ഉദ്ഘാടന ചടങ്ങിൽ സ്വാഗതസംഘം ചെയർമാനും കട്ടിപ്പാറ ഗ്രാമപഞ്ചായത്ത് പ്രസിഡന്റുമായ പ്രേംജി ജെയിംസ് അധ്യക്ഷത വഹിച്ചു. അഡ്വ. പി. ടി. എ. റഹീം എം.എൽ.എ. കലോത്സവം ഉദ്ഘാടനം ചെയ്തു. താമരശ്ശേരി ഗ്രാമപഞ്ചായത്ത് പ്രസിഡണ്ട് എ. അരവിന്ദൻ, കട്ടിപ്പാറ ഗ്രാമപഞ്ചായത്ത് വൈസ് പ്രസിഡണ്ട് ബിന്ദു സന്തോഷ്, ആരോഗ്യ സ്റ്റാൻഡിംഗ് കമ്മിറ്റി ചെയർപേഴ്സൺ മുഹമ്മദ് മോയത്ത്, ഡി.ഇ.ഒ. സുബൈർ, എ.ഇ.ഒ. പൗളി മാത്യു, പ്രശസ്ത സിനിമാതാരം പ്രദീപ് ബാലൻ, കോമഡി ഉത്സവം ഫെയിം ഹസീബ് പൂനൂർ, ഹെൽത്ത് കെയർ ഫൗണ്ടേഷൻ പ്രസിഡണ്ട് ഡോ. ബഷീർ പൂനൂർ, ട്രഷറർ സമദ് പാണ്ടിക്കൽ, സെക്രട്ടറി ടി.എം. താലിസ്, കോഴിക്കോട് പരിവാർ സെക്രട്ടറി രാജൻ തെക്കയിൽ, പ്രതീക്ഷാഭവൻ ചെയർമാൻ അബ്ദുൽ ഹക്കീം, കെ. അബ്ദുൽ മജീദ്, ഡോ. ഇസ്മായിൽ മുജദ്ദിതി തുടങ്ങിയവർ ആശംസകൾ നേർന്നു. ഹെൽത്ത് കെയർ ഫൗണ്ടേഷൻ ജനറൽ സെക്രട്ടറി സി.കെ.എ. ഷമീർ ബാവ സ്വാഗതവും, സി.ഒ.ഒ. മുഹമ്മദ് നവാസ് ഐ.പി. നന്ദിയും അറിയിച്ചു.

        കലോത്സവ വേദിയിൽ കലാപരിപാടികൾക്കൊപ്പം സ്പെഷ്യൽ സ്കൂളുകളിലെ തൊഴിൽ യൂണിറ്റുകളിൽ നിർമ്മിച്ച ഉൽപ്പന്നങ്ങളുടെ വിപണന സ്റ്റാളുകളും, നാഷണൽ ട്രസ്റ്റ് ഉൾപ്പെടെ വിവിധ സ്ഥാപനങ്ങളുടെ ഹെൽപ്പ് ഡെസ്കുകളും ഒരുക്കിയിരുന്നു. സമാപന ചടങ്ങിൽ വിജയികൾക്കുള്ള സമ്മാനം കോഴിക്കോട് ജില്ല പഞ്ചായത്ത് പ്രസിഡണ്ട് ഷീജ ശശി വിതരണം ചെയ്തു.

Leave a Reply

Your email address will not be published.

Previous Story

തെരുവ് വിളക്കുകൾ പരിപാലിക്കുന്നില്ല യു.ഡി.എഫ് കൗൺസിലർമാർ വിളക്ക് കത്തിച്ച് പ്രതിഷേധിച്ചു

Next Story

കായണ്ണ മാട്ടനോട് എ.യു.പി സ്കൂളിൽ സാഹിത്യ ക്യാമ്പ് “നാരങ്ങപ്പാൽ ചൂട്ടയ്ക്ക് രണ്ട്” സംഘടിപ്പിച്ചു.

Latest from Local News

വടകര-വില്യാപ്പള്ളി -ചേലക്കാട് റോഡ്: കെ.കെ രമ എം.എല്‍.എയുടെ നേതൃത്വത്തില്‍ യോഗം ചേര്‍ന്നു

വില്യാപ്പള്ളി-ചേലക്കാട് റോഡ് നിര്‍മാണത്തില്‍ വടകര റീച്ചിന്റെ പ്രവൃത്തി തുടങ്ങാനുള്ള നടപടികള്‍ക്കായി കെ.കെ രമ എം.എല്‍.എയുടെ നേതൃത്വത്തില്‍ യോഗം ചേര്‍ന്നു. അക്ലോത്ത് നട

എലത്തൂരില്‍ ജനകീയ അദാലത്ത് : പകുതിയിലധികം പരാതികള്‍ തീര്‍പ്പാക്കി

എലത്തൂര്‍ : വനം-വന്യജീവി സംരക്ഷണ വകുപ്പ് മന്ത്രി എ.കെ. ശശീന്ദ്രന്റെ നേതൃത്വത്തില്‍ നടന്ന ‘കൂടെയുണ്ട്, കരുത്തായി കരുതലായി’ പരാതി പരിഹാര അദാലത്തില്‍

കൊയിലാണ്ടി സ്പെഷ്യാലിറ്റി പോളിക്ലിനിക്കിൽ ഒക്ടോബർ 05 ഞായറാഴ്ച പ്രവർത്തിക്കുന്ന ഒപികളും ഡോക്ടർമാരുടെ സേവനങ്ങളും.

കൊയിലാണ്ടി സ്പെഷ്യാലിറ്റി പോളിക്ലിനിക്കിൽ ഒക്ടോബർ 05 ഞായറാഴ്ച പ്രവർത്തിക്കുന്ന ഒപികളും ഡോക്ടർമാരുടെ സേവനങ്ങളും.   1. ജനറൽ മെഡിസിൻ വിഭാഗം  ഡോ:

കൊല്ലം ശ്രീപിഷാരികാവ് ക്ഷേത്ര സമ്പത്ത് കൈകാര്യം ചെയ്യൽ: സമഗ്ര പരിശോധന വേണമെന്ന് ക്ഷേത്രക്ഷേമ സമിതി

കൊല്ലം ശ്രീപിഷാരികാവ് ക്ഷേത്രത്തിലെ സ്വർണ്ണം, വെള്ളി ഉരുപ്പടികളും കോടികളുടെ സ്ഥിര നിക്ഷേപവും കൈകാര്യം ചെയ്യുന്നത് സംബന്ധിച്ച് സമഗ്രമായ പരിശോധന വേണമെന്നും, ക്ഷേത്ര

സത്യസായി പ്രേമവാഹിനി രഥയാത്രയ്ക്ക് നന്തി ശ്രീശൈലത്തില്‍ ഉജ്ജ്വല വരവേല്‍പ്പ്

നന്തി ബസാര്‍: സത്യസായി ബാബയുടെ ജന്മശതാബ്ദിയുടെ ഭാഗമായി പുട്ടപര്‍ത്തിയില്‍ നിന്നാരംഭിച്ച പ്രേമവാഹിനി രഥയാത്രയ്ക്ക് നന്തി ശ്രീശൈലം സത്യസായി വിദ്യാപീഠത്തില്‍ ഉജ്ജ്വല വരവേല്‍പ്പ്