തിരുവനന്തപുരം : മില്മ പാല് വില വര്ധനവുമായി ബന്ധപ്പെട്ട അന്തിമ തീരുമാനം ഇന്ന് ഉണ്ടാകാനിടയുണ്ട്. ഉച്ചയ്ക്ക് 2 മണിക്ക് മില്മ ആസ്ഥാനത്ത് നടക്കുന്ന ബോര്ഡ് യോഗത്തിലാണ് തീരുമാനം പ്രതീക്ഷിക്കുന്നത്.മൂന്ന് മേഖലകളില് നിന്നുള്ള പ്രതിനിധികള് യോഗത്തില് പങ്കെടുക്കും. വിലവര്ധന സംബന്ധിച്ച കമ്മിറ്റിയുടെ റിപ്പോര്ട്ട് യോഗത്തിനു മുമ്പായി സമര്പ്പിക്കും.
പാല് വില അഞ്ചു രൂപ വരെയെങ്കിലും കൂട്ടണമെന്നതാണ് പൊതുവായ ആവശ്യം. ഓണത്തിന് ശേഷം വില കൂട്ടുമെന്നായിരുന്നു മുന്കൂട്ടി ഉണ്ടായിരുന്ന സൂചന. അതേസമയം, മധ്യമേഖല ഒഴികെയുള്ള മറ്റ് പ്രതിനിധികള് അന്തിമ തീരുമാനം എടുക്കാന് തയ്യാറല്ലെന്ന വിവരം ലഭിക്കുന്നു. മൂന്നു രൂപ വരെയെങ്കിലും വര്ധന ഉണ്ടാകാമെന്നാണ് സൂചന.
നാളെ പൊതുയോഗം നടക്കാനിരിക്കെ വില വര്ധന ഉണ്ടായില്ലെങ്കില് ശക്തമായ പ്രതിഷേധത്തിലേക്ക് പോകുമെന്നും ചില പ്രതിനിധികള് മുന്നറിയിപ്പ് നല്കി.തീരുമാനം: ഇന്ന് വൈകിട്ട് വ്യക്തമാകും
