പൂക്കാട് കലാലയം ആവണിപ്പൂവരങ്ങ് സെപ്തംബർ 5,6,7 തിയ്യതികളിൽ

പൂക്കാട് കലാലയത്തിൻ്റെ അൻപത്തിയൊന്നാം വാർഷികാഘോഷമായ ആവണിപ്പൂവരങ്ങ് ആഘോഷപരിപാടികൾ സെപ്തംബർ 5, 6, 7 തിയ്യതികളിൽ എം.ടി. വാസുദേവൻ നായർ സ്മാരക നഗരിയിൽ ഒരുക്കുന്ന പി.ജയചന്ദ്രൻ വേദിയിൽ നടക്കും. ആദ്യദിവസം കൊടിയേറ്റം, സ്വാതന്ത്ര്യ സമരസ്മരണ , സമ്മാനപ്പൂവരങ്ങ് വിജയികളെ പ്രഖ്യാപിക്കൽ എന്നിവ നടക്കും.

തുടർന്ന് രണ്ടു ദിവസങ്ങളിലായി ആയിരത്തോളം പഠിതാക്കൾ ഭരതനാട്യം, മോഹിനിയാട്ടം, കുച്ചുപ്പുടി, സംഘനൃത്തം, വെസ്റ്റേൺ ഡാൻസ്, ശാസ്ത്രീയ സംഗീതം, സംഘഗാനം, പി. ജയചന്ദ്രൻ പാടിയ ഗാനങ്ങൾ ഉൾപ്പെടുത്തിയ ഗാനമേള, തബല തരംഗ്, വയലിൻ, ഗിറ്റാർ, കീബോർഡ് എന്നീ പരിപാടികൾ അരങ്ങിലെത്തും. ചിത്രവിഭാഗം ഒരുക്കിയ ചിത്രപ്രദർശനം ആർട്ടിസ്റ്റ് ബാലൻ താനൂർ ഉദ്ഘാടനം ചെയ്യും. ജയകുമാർ ചാത്തമംഗലം നാടകരൂപാന്തരം നടത്തി എം.കെ. സുരേഷ് ബാബു സംവിധാനം ചെയ്ത ‘ഖസാക്കിൻ്റെ ഇതിഹാസം’, ശശിധരൻ ചെറൂർ രചനയും സംവിധാനവും നിർവ്വഹിച്ച ‘ബയേൻ’, എം.ടിയുടെ സ്മരണയ്ക്കായി രവി എടത്തിൽ രചനയും ഡോ. എൻ. വി. സദാനനൻ സംവിധാനവും നിർവഹിച്ച ‘മഹായാനം’ എന്നീ മൂന്ന് നാടകങ്ങൾ അരങ്ങിലെത്തും. സപ്തംബർ 6 ന് വൈകീട്ട് 4 മണിയ്ക്ക് പ്രശസ്ത ഗാനരചയിതാവ് ബി.കെ. ഹരിനാരായണൻ ആഘോഷ പരിപാടികൾ ഉദ്ഘാടനം ചെയ്യും. കേരള ടൂറിസം ഇൻഫ്രാസ്ട്രെക്ചർ ലി. ചെയർമാൻ എസ്.കെ. സജീഷ് മുഖ്യഭാഷണം നടത്തും. സമ്മാനപ്പൂവ രങ്ങ് നറുക്കെടുപ്പ് വിജയികൾക്ക് ചേമഞ്ചേരി ഗ്രാമപഞ്ചായത്ത് പ്രസിഡന്റ് സതി കിഴക്കയിൽ സമ്മാന വിതരണം ചെയ്യും. അഭിനയശിരോമണി രാജരത്നം പിള്ള സ്മാരക എൻ്റോവ്മെൻ്റ് ലഭിച്ച പൂജ. എസ്. എസിന് ജില്ലാ പഞ്ചായത്ത് മെമ്പർ സിന്ധു സുരേഷ് ഉപഹാരം നൽകും. വാർഡ് മെമ്പർ സുധ തടവങ്കയ്യിൽ, പി.ടി.എ. പ്രസിഡണ്ട് റിനു രമേശ് എന്നിവർ ആശംസകൾ നേരും. കലാലയം പ്രസിഡണ്ട് അഡ്വ. ശ്രീനിവാസൻ, ജനറൽ സെക്രട്ടറി ശിവദാസ് കാരോളി, പ്രിൻസിപ്പാൾ ശിവദാസ് ചേമഞ്ചേരി, എം ജയകൃഷ്ണൻ, രാധാകൃഷ്ണൻ. കെ. ബാലു പൂക്കാട്, യു.കെ. രാഘവൻ, കെ. ശ്രീനിവാസൻ, എന്നിവർ സംബന്ധിക്കും.
ശിവദാസ് കാരോളി, അഡ്വ: കെ ടി ശ്രീനിവാസൻ, എം ജയകൃഷ്ണൻ, കെ രാധാകൃഷ്ണൻ, ഉണ്ണി കുന്നോൽ എന്നിവർ വാർത്താ സമ്മേളനത്തിൽ പങ്കെടുത്തു

Leave a Reply

Your email address will not be published.

Previous Story

വി എസ് അച്യുതാനന്ദന്റെ ചിത്രം വരച്ച് പൂക്കളം തീര്‍ത്ത് വിദ്യാഭ്യാസ മന്ത്രി വി ശിവന്‍കുട്ടിയുടെ ഓഫീസ്

Next Story

വടക്കൻ ജില്ലകളിൽ നാളെ മുതൽ ശക്തമായ മഴ മുന്നറിയിപ്പ്

Latest from Local News

നാദാപുരത്ത് വീട്ടമ്മയുടെ കഴുത്തിലെ മാല പൊട്ടിക്കാന്‍ ശ്രമം

നാദാപുരത്ത് വീട്ടമ്മയുടെ കഴുത്തിലെ മാല പൊട്ടിക്കാന്‍ ശ്രമം. നാദാപുരം കുമ്മങ്കോട്ടെ വലിയപറമ്പത്ത് പാത്തുട്ടിയാണ് മോഷണ ശ്രമത്തില്‍ നിന്ന് കഷ്ടിച്ച് രക്ഷപ്പെട്ടത്. പിടിവലിക്കിടെ

അരിക്കുളം ഗ്രാമപഞ്ചായത്തിന്റെ പതിറ്റാണ്ടുകൾ നീണ്ട അവഗണന നേരിടുന്ന പാളപ്പുറം കുന്ന് നിവാസികളുടെ റോഡ് എന്ന സ്വപ്നം ജനകീയ കമ്മിറ്റിയിലൂടെ യാഥാർത്ഥ്യമായി

വർഷങ്ങളായി അരിക്കുളം ഗ്രാമപഞ്ചായത്തിന്റെ അവഗണന നേരിട്ടുകൊണ്ടിരിക്കുന്ന പതിനഞ്ചാം വാർഡ് കുരുടിമുക്ക് – പാളപ്പുറം കുന്ന് പ്രദേശവാസികളുടെ കഠിന പ്രയത്നത്തിന്റെ ഭാഗമായി റോഡ്

പി. യം. സദാനന്ദൻ അനുസ്മരണ യോഗം ഡി.സി.സി. പ്രസിഡൻറ് ഉദ്ഘാടനം ചെയ്തു

കീഴരിയൂരിലെ കോൺഗ്രസ് നേതാവും നടുവത്തൂർ ശിവക്ഷേത്രസംരക്ഷണ സമിതി വൈ: പ്രസിഡന്റുമായ പി യം. സദാനന്ദന്റെ ഒന്നാം ചരമവാർഷിക ദിനം ഡി.സി.സി. പ്രസിഡന്റെ