ജല ജീവൻ മിഷൻ :ബിൽ തുക അടയ്ക്കാത്തവർക്കെതിരെ നടപടി വരും

കൊയിലാണ്ടി: ജല ജീവൻ മിഷൻ പദ്ധതി പ്രകാരം വാട്ടർ കണക്ഷൻ ലഭിച്ച ബാലുശ്ശേരി, നന്മണ്ട ഉണ്ണികുളം, പനങ്ങാട്, അരിക്കുളം, തുറയൂർ എന്നീ പഞ്ചായത്തുകളിലെ ഉപഭോക്താക്കൾ വാട്ടർ ചാർജ് ഉടൻ അടയ്ക്കണമെന്ന് വാട്ടർ അതോറിറ്റി കൊയിലാണ്ടി അസിസ്റ്റന്റ്റ് എക്സിക്യൂട്ടീവ് എഞ്ചിനീയർ അറിയിച്ചു. ജലവിതരണം സൗജന്യമാണെന്ന തെറ്റിദ്ധാരണയിൽ പലരും വാട്ടർ ചാർജ് അടയ്ക്കാത്തതായി ശ്രദ്ധയിൽപ്പെട്ടിട്ടുണ്ട്. ഉപഭോക്താക്കൾ കുടിശ്ശിക നൽകാത്തപക്ഷം ഇത്തരം കണക്ഷനുകൾ വിച്ഛേദിക്കും. കുടിശ്ശിക വന്ന് കണക്ഷൻ വിച്ഛേദിക്കപ്പെട്ടാൽ റവന്യൂ റിക്കവറി നടപടി സ്വീകരിക്കും. ജലജീവൻമിഷൻ കണക്ഷനുകളിൽ ബില്ല് ലഭിക്കുന്നില്ലെങ്കിൽ വാട്ടർ അതോറിറ്റി ഓഫീസുമായി ബന്ധപ്പെടണമെന്നും അസിസ്റ്റൻ്റ് എക്സിക്യൂട്ടീവ് എഞ്ചിനീയർ അറിയിച്ചു. കുടിശ്ശികയുള്ള ഉപഭോക്താക്കൾക്ക് ബി.പി.എൽ ആനുകൂല്യങ്ങൾ ലഭിക്കുകയോ പുതുക്കി നൽകുകയോ ചെയ്യുന്നതല്ല – കൂടുതൽ വിവരങ്ങൾക്ക് 04962620420 എന്ന നമ്പറിൽ ബന്ധപ്പെടണമെന്ന്
അസിസ്റ്റന്റ് എക്സിക്യൂട്ടീവ് എഞ്ചിനീയർ അറിയിച്ചു.