സുദൃഢമായ നിലപാടുകളും,മൂല്യാധിഷ്ഠിത രാഷ്ട്രീയവും മുറുകെ പിടിച്ച നേതാവായിരുന്നു അഡ്വ.ഇ.രാജഗോപാലൻനായരെന്ന് മുൻമന്ത്രി സി.കെ.നാണു

സുദൃഢമായ നിലപാടുകളും,മൂല്യാധിഷ്ഠിത രാഷ്ട്രീയവും മുറുകെ പിടിച്ച നേതാവായിരുന്നു അഡ്വ.ഇ.രാജഗോപാലൻനായരെന്ന് മുൻമന്ത്രി സി.കെ.നാണു അഭിപ്രായപ്പെട്ടു. ജില്ല സഹകരണ ബാങ്കിൽ വോട്ടവകാശം നിഷേധിക്കപ്പെട്ടപ്പോൾ ഹൈക്കോടതിയെ വരെ സമീപിച്ച് മൗലികാവകാശം സ്ഥാപിച്ചെടുത്ത രാജഗോപാലൻ നായർ ജനാധിപത്യത്തിൻ്റെ കാവൽഭടൻ കൂടിയായിരുന്നുവന്നും അദ്ദേഹം കൂട്ടിച്ചേർത്തു. അഡ്വ.ഇ. രാജഗോപാലൻ നായരുടെ 32 മത് അനുസ്മരണ സമ്മേളനവും എൻഡോവ്മെൻ്റ് വിതരണവും ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. എൻ.സി.പി.ജില്ല പ്രസിഡൻ്റ് മുക്കം മുഹമ്മദ് അദ്ധ്യക്ഷനായി. ഡി.സി.സി പ്രസിഡൻ്റ് അഡ്വ.കെ. പ്രവീൺകുമാർ,കെ.ടി.എം.കോയ, ഇ.എസ്.രാജൻ, ടി.കെ.ചന്ദ്രൻ, ഇ.കെ.അജിത്, അഡ്വ.എം.സുമൻലാൽ,പി.സുധാകരൻ, സി.സത്യചന്ദ്രൻ, പി.ചാത്തപ്പൻ, പി.കെ.എം.ബാലകൃഷ്ണൻ, സി.രമേശൻ, കെ.കെ.ശ്രീഷു, ചേനോത്ത് ഭാസ്കരൻ എന്നിവർ പ്രസംഗിച്ചു. കാലത്ത് ശവകുടീരത്തിൽ പുഷ്പാർച്ചനയും നടന്നു. അവിണേരി ശങ്കരൻ, എം.എ. ഗംഗാധരൻ, മണി പാവുവയൽ, ഒ.രാഘവൻ, പി.എം ബി നടേരി ,ചന്ദ്രൻ മൂഴിക്കൽ, ടി.എം രവീന്ദ്രൻ,രൂപേഷ് എന്നിവർ നേതൃത്വം നൽകി.