കുവൈത്തിലെ വിഷ മദ്യ ദുരന്തത്തിൽ മരിച്ച കണ്ണൂർ ഇരിണാവ് സ്വദേശി സച്ചിന്റെ മൃതദേഹം നാളെ നാട്ടിൽ എത്തിച്ചേക്കും. നടപടിക്രമങ്ങൾ പൂർത്തിയായി വരുന്നതായി ബന്ധുക്കൾ പറഞ്ഞു. ഇന്നലെയാണ് സച്ചിന്റെ മരണവിവരം ബന്ധുക്കൾ അറിഞ്ഞത്.
കുവൈത്തിൽ ഹോട്ടലിൽ കാഷ്യര് ആയി ജോലി ചെയ്തു വരികയായിരുന്നു സച്ചിൻ. വിവാഹം കഴിഞ്ഞിട്ട് ആറുവർഷം ആകുന്നതേയുള്ളൂ. മകൾക്ക് അഞ്ചു വയസ്സ് പ്രായമുണ്ട്. നാളെ രാവിലെ കരിപ്പൂർ വിമാനത്താവളത്തിൽ മൃതദേഹം എത്തിക്കാൻ കഴിയും എന്നാണ് പ്രതീക്ഷ.
