2025-26 അധ്യയന വർഷത്തെ സ്കൂൾ പാർലമെന്റ് തിരഞ്ഞെടുപ്പിൽ നിയോജക മണ്ഡലത്തിൽ എം.എസ്.എഫ് ഒറ്റക്കും മുന്നണിയായും സ്കൂൾ തിരഞ്ഞെടുപ്പിൽ ഉജ്ജ്വല വിജയം നേടി. കലാലയങ്ങളിലെ അരാഷ്ട്രിയതക്കെതിരെയും അക്രമ രാഷ്ട്രീയത്തിനെതിരെയും വിദ്യാർത്ഥികൾ നിലപാട് പ്രഖ്യാപിച്ചതിന്റെ പ്രതിഫലമാണ് നേടിയ വിജയമെന്ന് എം.എസ്.എഫ് കൊയിലാണ്ടി നിയോജക മണ്ഡലം കമ്മിറ്റി വിലയിരുത്തി. കൊയിലാണ്ടി നിയോജക മണ്ഡലം പരിധിയിലുള്ള തിക്കോടിയൻ ഗവണ്മെന്റ് വോക്കേഷണൽ ഹയർ സെക്കണ്ടറി സ്കൂൾ, സി.കെ.ജി മെമ്മോറിയൽ ഹയർ സെക്കണ്ടറി സ്കൂൾ, കടലൂർ വന്മുഖം ഹൈ സ്കൂൾ, ഗവണ്മെന്റ് മാപ്പിള വോക്കേഷണൽ ഹയർ സെക്കണ്ടറി സ്കൂൾ എന്നിവിടങ്ങളിൽ ഒറ്റക്ക് മുഴുവൻ സീറ്റുകൾ നേടുകയും പൊയിൽക്കാവ് ഹയർ സെക്കണ്ടറി സ്കൂളിൽ മുന്നണിയായും, തിരുവങ്ങൂർ ഹയർ സെക്കണ്ടറി സ്കൂൾ, പന്തലായനി ഗവണ്മെന്റ് ഹയർ സെക്കണ്ടറി സ്കൂളുകളിൽ യൂണിയൻ പങ്കാളിത്തവും ഗവണ്മെന്റ് വോക്കേഷണൽ ഹയർ സെക്കണ്ടറി ബോയ്സ് സ്കൂളിൽ നിരവധി ക്ലാസ് റിപ്രസൻ്റ്റീവ് സീറ്റുകളും എം.എസ്.എഫ് പിടിച്ചെടുത്തു.
സ്കൂൾ പാർലമെന്റ് തിരഞ്ഞെടുപ്പിൽ കൊയിലാണ്ടി നിയോജക മണ്ഡലത്തിൽ എം.എസ്.എഫിന് സമ്പൂർണ്ണ ആധിപത്യം
