കൊയിലാണ്ടി :തോരായില് കടവ് പാലം നിര്മ്മാണത്തിനിടെ ഗര്ഡര് തകര്ന്നത് പരിശോധിക്കുവാന് കെ ആര് എഫ് ബി – പി എം യു പ്രൊജക്ട് ഡയറക്ടറെ ചുമതലപ്പെടുത്തിയിട്ടുണ്ടെന്ന് പൊതുമരാമത്ത് വകുപ്പ് മന്ത്രി പി .എ മുഹമ്മദ് റിയാസ് അറിയിച്ചു. റിപ്പോര്ട്ട് ലഭിച്ചാല് ഉടന് പരിശോധിച്ച് തുടര്നടപടികള് സ്വീകരിക്കും.
പാലം നിര്മ്മാണത്തില് എന്തൊക്കെയാണ് പോരായ്മ വന്നത്, ഉത്തരവാദിത്തപ്പെട്ടവര് ഈ പോരായ്മക്ക് കാരണമാകുന്ന നിലപാട് സ്വീകരിച്ചിട്ടുണ്ടോ, മാന്വലില് പറഞ്ഞതുപ്രകാരം കാര്യങ്ങള് നടന്നിട്ടുണ്ടോ, നിര്മ്മാണ ഘട്ടങ്ങളില് ഉദ്യോഗസ്ഥര് പാലിക്കേണ്ട കാര്യങ്ങളെ കുറിച്ച് നല്കിയ നിര്ദ്ദേശങ്ങള് പാലിക്കപ്പെട്ടിട്ടുണ്ടോ, കരാറുകാര് കരാറിനനുസരിച്ചുള്ള കാര്യങ്ങള് ചെയ്തിട്ടുണ്ടോ തുടങ്ങിയ കാര്യങ്ങള് പരിശോധിക്കും. തെറ്റായ നിലപാട് ആരു സ്വീകരിച്ചാലും ഒരു തരത്തിലും വിട്ടുവീഴ്ചയും ഉണ്ടാവില്ല. ശക്തമായ നിലപാട് സ്വീകരിക്കും. ആലപ്പുഴയില് സമാന സംഭവം ഉണ്ടായപ്പോള് കരാറുകാരനെ കരിമ്പട്ടികയില്പ്പെടുത്തുകയും മൂന്ന് ഉദ്യോഗസ്ഥരെ സസ്പെന്ഡ് ചെയ്യുകയും ചെയ്തിരുന്നു. തെറ്റായ നിലപാട് എവിടെ കണ്ടാലും അവിടെ ശക്തമായ നിലപാട് സ്വീകരിച്ചു മുന്നോട്ടു പോകും. അതാണ് സര്ക്കാര് നിലപാട്. ഈ സംഭവത്തിലും റിപ്പോര്ട്ട് ലഭിച്ചാല് തെറ്റുണ്ടെങ്കില് ശക്തമായ നിലപാട് സ്വീകരിക്കും.മന്ത്രി പറഞ്ഞു.
തോരായില്കടവ് പാലം ബിം തകർന്ന സംഭവം അന്വേഷണം നടത്തും മന്ത്രി പി എ മുഹമ്മദ് റിയാസ്
