എം ഡി എം എയുമായി മാവൂർ സ്വദേശി പിടിയിൽ

August 14, 2025

കോഴിക്കോട്‌: ബംഗളൂരുവിൽ നിന്ന് ട്രെയിൻ മാർഗം എം.ഡി.എം.എ എത്തിച്ച് വിൽപ്പന നടത്തിയ 26കാരൻ പിടിയിൽ. മാവൂർ കണ്ണിപറമ്പ് സ്വദേശി പി.ടി. അമീർ ഷർവാനാണ് (26) സിറ്റി നർകോറ്റിക് സെൽ അസിസ്റ്റന്റ് കമ്മീഷണർ കെ.എ. ബോസിയുടെ നേതൃത്വത്തിലുള്ള ഡാൻസാഫ് ടീം, എസ്.ഐ ശ്രീസിതയുടെ നേതൃത്വത്തിലുള്ള ടൗൺ പൊലീസ് എന്നിവർ ചേർന്ന് പിടികൂടിയത്. ബുധനാഴ്ച രാവിലെ ബംഗളൂരുവിൽ നിന്ന് ട്രെയിൻ മാർഗം വലിയങ്ങാടിയിലേക്ക് എത്തുമ്പോഴായിരുന്നു അറസ്റ്റ്. ഇയാളിൽ നിന്ന് 27 ഗ്രാം എം.ഡി.എം.എ കണ്ടെത്തി

മാവൂർ പ്രദേശത്തെ നിരീക്ഷണത്തിനിടെയാണ് അമീറിലേക്കുള്ള അന്വേഷണം എത്തിയത്. ഇയാളുടെ നേരെ മുൻപ് മാവൂർ പൊലീസിൽ ലഹരി വിൽപനക്കും ഉപയോഗത്തിനുമുള്ള കേസുകൾ നിലവിലുണ്ട്.ഡാൻസാഫ് ടീമിന്റെ ഓഗസ്റ്റ് മാസത്തെ പ്രവർത്തനത്തിൽ 13 ദിവസത്തിനുള്ളിൽ ലഹരിമരുന്ന് വിൽപ്പന നടത്തിയതിന് 8 പേരെയും, ഉപയോഗിച്ചതിന് 7 പേരെയും അറസ്റ്റ് ചെയ്തു. ആകെ 85 ഗ്രാം ബ്രൗൺ ഷുഗർ, 78 ഗ്രാം എം.ഡി.എം.എ, 100 ഗ്രാം കഞ്ചാവ് പിടിച്ചെടുത്തിരുന്നു.

എസ്.ഐ കെ. അബ്ദുറഹ്മാൻ, എം.കെ. ലതീഷ്, പി.കെ. സരുണ്‍കുമാർ, എൻ.കെ. ശ്രീശാന്ത്, എം. ഷിനോജ്, പി. അഭിജിത്, ഇ.വി. അതുൽ, ടൗൺ സ്റ്റേഷനിലെ എസ്.ഐ ഷബീർ, സീനിയർ സി.പി.ഒമാരായ ശ്രീജിത് കുമാർ, ബിനിൽ കുമാർ, വിജയേഷ്.