തൊഴിലുറപ്പ് തൊഴിലാളികളുടെ തൊഴിലും വേതനവും അന്യായമായി വെട്ടിക്കുറക്കുന്ന പഞ്ചായത്ത് അസി. സെക്രട്ടറിയുടെ തൊഴിലാളിവിരുദ്ധ നടപടികൾക്കെതിരെ എം.എൻ.ആർ.ഇ.ജി വർക്കേഴ്സ് യൂണിയൻകീഴരിയൂർ പഞ്ചായത്ത് കമ്മറ്റിയുടെ ആഭിമുഖ്യത്തിൽ പ്രതിഷേധ മാർച്ചും ധർണയും നടന്നു. കീഴരിയൂർ ഗ്രാമ പഞ്ചായത്ത് ഓഫീസിനു മുമ്പിൽ നടന്ന സമരം CPIM ഏറിയാ കമ്മറ്റി സെക്രട്ടറി ടി.കെ.ചന്ദ്രൻ ഉൽഘാടനം ചെയ്തു. തൊഴിലാളികൾക്കെതിരെ നടക്കുന്ന നടപടികൾ ഉടൻ അവസാനിപ്പിക്കണ മെന്നും, നടപടികൾ തുടരുന്ന സാഹചര്യത്തിൽ ശക്തമായ പ്രക്ഷോഭങ്ങൾക്ക് നേതൃത്വം നൽകുമെന്നുംനേതാക്കൾ മുന്നറിയപ്പ് നൽകി. എം.എൻ.ആർ.ഇ.ജി കൊയിലാണ്ടി ഏരിയാ കമ്മറ്റി അംഗം സി.ടി കുഞ്ഞിരാമൻ അധ്യക്ഷം വഹിച്ചു. എം.എൻ.ആർ.ഇ.ജി യൂണിയൻ കൊയിലാണ്ടി ഏരിയാ സെക്രട്ടറി കെ രവീന്ദ്രൻ, ക ർഷക സംഘം ഏരിയാ സെക്രട്ടറി പി.കെ. ബാബു, കീഴരിയൂർ എൻ.സി.സെക്രട്ടറി എം. സുരേഷ്, നമ്പ്രത്ത്കര എൽ.സി സെക്രട്ടറി കെ.പി. ഭാസ്ക്കരൻ, എൻ.എം സുനിൽ എന്നിവർ സംസാരിച്ചു.
വേതന-തൊഴിൽ വെട്ടിക്കുറവ്: കീഴരിയൂരിൽ എം.എൻ.ആർ.ഇ.ജി.പഞ്ചായത്ത് ഓഫീസ് മാർച്ച്
