കേരള സ്റ്റേറ്റ് സർവ്വീസ് പെൻഷനേഴ്സ് യൂണിയൻ പന്തലായനി ബ്ലോക്ക് കമ്മിറ്റിയുടെ മാർച്ചും ധർണ്ണയും (നാളെ) ആഗസ്റ്റ് 12ന് രാവിലെ 10 മണിക്ക് കൊയിലാണ്ടി സബ് ട്രഷറി പരിസരത്ത് വെച്ച് നടക്കും. ടി.വി ഗിരിജ (കേരള സ്റ്റേറ്റ് സർവ്വീസ് പെൻഷനേഴ്സ് യൂണിയൻ സംസ്ഥാന കമ്മിറ്റി അംഗം) പരിപാടി ഉദ്ഘാടനം ചെയ്യും. വി.പി ബാലകൃഷ്ണൻ മാസ്റ്റർ അദ്ധ്യക്ഷത വഹിക്കും. ടി. സുരേന്ദ്രൻ മാസ്റ്റർ, ചേനോത്ത് ഭാസ്കരൻ മാസ്റ്റർ, പി,കെ ബാലകൃഷ്ണൻ കിടാവ്, ഒ. രാഘവൻ മാസ്റ്റർ, പി.എൻ ശാന്തമ്മ ടീച്ചർ, വി.എം ലീല ടീച്ചർ തുടങ്ങിയവർ സംസാരിക്കും.
7.2024 പ്രാബല്യത്തിൽ പെൻഷൻ പരിഷ്‌കരണ നടപടികൾ ആരംഭിക്കുക, കുടിശ്ശിക ക്ഷാമാശ്വാസ ഗഡുക്കൾ അനുവദിക്കുക. അനുവദിച്ച ക്ഷാമാശ്വാസ ഗഡുക്കളുടെ കുടിശ്ശിക അനുവദിക്കുക, ഒരു മാസത്തെ പെൻഷന് തുല്യമായ തുക ഉത്സവ ബത്തയായി അനുവദിക്കുക, 70 വയസ്സിന് മുകളിലുള്ള പെൻഷൻകാർക്ക് അധിക പെൻഷൻ അനുവദിക്കുക, പി.എഫ്.ആർ.ഡി.എ. നിയമം പിൻവലിക്കുക, എൻ.പി.എസ്/യു.പി.എസ്. പിൻവലിച്ച് പഴയ പഴയ പെൻഷൻ പദ്ധതി പുനഃസ്ഥാപിക്കുക, കേന്ദ്ര സംസ്ഥാന സാമ്പത്തിക ബന്ധങ്ങൾ പുനഃസംഘടിപ്പിക്കുക, കേരളത്തെ തകർക്കുന്ന കേന്ദ്ര നയം തിരുത്തുക, കേന്ദ്ര സർക്കാരിന്റെ ജനവിരുദ്ധ – തൊഴിലാളി വിരുദ്ധ നയങ്ങൾ തിരുത്തുക തുടങ്ങിയ ആവശ്യങ്ങൾ ഉന്നയിച്ചുകൊണ്ടാണ് കെ.എസ്.എസ്.പി.യു പന്തലായനി ബ്ലോക്കിന്റെ നേതൃത്വത്തിൽ കൊയിലാണ്ടി സബ് ട്രഷറിക്ക് മുന്നിൽ ധർണ്ണസമരം നടത്തുന്നത്.
