രാജ്യ സേവനത്തിനിടയിൽഉൾഫ തീവ്രവാദികളുടെ ബോംബാക്രമണത്തിൽ കൊല്ലപെട്ട ജവാൻ ബൈജുവിനെ അനുസ്മരിച്ചു

കൊയിലാണ്ടി: രാജ്യ സേവനത്തിനിടയിൽഉൾഫ തീവ്രവാദികളുടെ ബോംബാക്രമണത്തിൽ കൊല്ലപെട്ട ജവാൻ ബൈജുവിനെ മേലൂർ ഗ്രാമം അനുസ്മരിച്ചു. ബൈജുവിൻ്റെ 25ാം ചരമവാർഷിക ദിനമായ ഞായറാഴ്ച
ബൈജുവിൻ്റെ വീട്ടിലെ സ്മൃതി മണ്ഡപത്തിൽ പുഷ്പാർച്ചനയും അനുസ്മരണവും നടന്നു. പുഷ്പാർച്ചനയിൽ കോഴിക്കോട്
ആർ.പി.എഫ് യൂണിറ്റിലെ എസ്.ഐ.അപർണ്ണ അനിൽകുമാർ,എ.എസ് ഐ. ദിലീപ് കുമാർ, ഹെഡ് കോൺസ്റ്റബിൾ സുരേന്ദ്രൻ, കോൺസ്റ്റബിൾമാരായ ദേവദാസൻ, റാമിൽ, അനീഷ എന്നിവരും പി.വിശ്വൻ, ചേമഞ്ചേരി ഗ്രാമ പഞ്ചായത്ത് ഉപാധ്യക്ഷൻ പി.വേണു, കൂമുള്ളി കരുണാകരൻ, ചെങ്ങോട്ട്കാവ് പഞ്ചായത്ത് അംഗം കെ.രമേശൻ, വിമുക്തഭടൻമാരായ രാജൻ മാക്കണ്ടാരി, രഘുനാഥ് ചെറുവാട്ട്, വിജയൻ, സത്യനാഥൻ കീരങ്ങുന്നാരി, പി.പി.സജീഷ്, റിട്ട് പ്രധാനാധ്യാപകൻ ദിവാകരൻ, മേലൂർ സർവ്വീസ് സഹകരണ ബാങ്ക് പ്രസിഡൻ്റ് ശ്രീസുതൻ, ജെ.സി.ഐ ഭാരവാഹികളായ ഡോ.സൂരജ്, രജീഷ്, ചാലഞ്ചേഴ്സ് കച്ചേരിപ്പാറ പ്രസിഡണ്ട് ഗോപിനാഥ് ചെറുവാട്ട്, ബ്ലോക്ക് കോൺഗ്രസ് കമ്മറ്റി പ്രസിഡൻ്റ് മുരളി തോറോത്ത്, ഉണ്ണികൃഷ്ണൻ വള്ളിക്കാട്ടിൽ, മോഹനൻ വള്ളിക്കാട്ടിൽ, മേലൂർ എൽ.പി സ്കൂളിലെ അധ്യാപകർ ഒട്ടേറെ നാട്ടുകാരും പങ്കെടുത്തു. മേലൂർ എൽ.പി സ്കൂളിലെ എൽ.എസ്.എസ് വിജയികൾക്ക് അനുമോദനവും എൻഡോവ്മെൻ്റ് വിതരണവും നടന്നു. കൂടാതെ ന്യൂ ചാലഞ്ചേഴ്സ് കച്ചേരിപാറയുടെ നേതൃത്വത്തിൽ മേലൂരിലുള്ള ബൈജുവിൻ്റെ സ്മാരകത്തിൽ പുഷ്പാർച്ചനയും അനുസ്മരണവും നടന്നു.