കണ്ണിൽ മുളകുപൊടി വിതറി വീട്ടമ്മയുടെ മാല പൊട്ടിച്ചു

മുക്കം കാരശ്ശേരിയിൽ കണ്ണിൽ മുളകുപൊടി വിതറി വീട്ടമ്മയുടെ മാല പൊട്ടിച്ചു. കാരശ്ശേരി സ്വദേശി സുബൈദയുടെ മാലയാണ് കള്ളൻ പൊട്ടിച്ചെടുത്തത്.

രാവിലെ സുബൈദയുടെ വീടിന് സമീപമാണ് മോഷണം നടന്നത്. രാവിലെ നിസ്കരിക്കാൻ എഴുന്നേറ്റപ്പോൾ പുറത്ത് കാത്തുനിന്ന മോഷ്ടാവ് കണ്ണിൽ മുളകുപൊടി വിതറിയ ശേഷം ആക്രമിക്കുകയായിരുന്നു. മോഷ്ടാവുമായുണ്ടായ പിടിവലിയിൽ സുബൈദയുടെ മുഖത്ത് പരുക്കേറ്റിട്ടുണ്ട്. സംഭവത്തിൽ പൊലീസ് കേസെടുത്ത് അന്വേഷണം ആരംഭിച്ചു.