കേരളത്തിൽ ടൈപ്പ് 1 ഡയബെറ്റിസ് ബാധിച്ച കുട്ടികൾക്കിടയിൽ ഇൻസുലിൻ ക്ഷാമം രൂക്ഷമായ സാഹചര്യത്തിൽ, പ്രത്യേകിച്ച് സർക്കാർ മിഠായി പദ്ധതി അടിസ്ഥാനമാക്കിയുള്ള താൽക്കാലിക ഇൻസുലിൻ വിതരണം നിലച്ചു പോയതോടെ, ഒട്ടേറെ കുടുംബങ്ങൾ ദുരിതത്തിലാകുകയായിരുന്നു. ഇതിൻ്റെ അടിസ്ഥാനത്തിലാണ് ലയൺസ് ക്ലബ്ബ് 318E ജില്ല അടിയന്തരമായി ഇടപെട്ടത് .
കുട്ടികളുടെ ജീവൻ അതിഗുരുതരമായ പ്രതിസന്ധിയിലായപ്പോൾ, കേരള ടൈപ്പ് 1 ഡയബെറ്റിസ് വെൽഫയർ അസോസിയേഷൻ പ്രസിഡന്റ് ശ്രീ. വിജേഷ് ടി.ആറുമായി നടത്തിയ അടിയന്തരമായ ചര്‍ച്ചകളുടെ അടിസ്ഥാനത്തിൽ, ലയൺസ് ക്ലബ്ബിന്റെ സേവാഭാരതം മുന്നോട്ടുവെക്കുകയായി. ഡിസ്ട്രിക്ട് ഗവർണർ ലയൺ രവി ഗുപ്തയുടെ നേതൃത്വത്തിലൂടെയും, ചീഫ് ഡിസ്ട്രിക്ട് ഡയബെറ്റിസ് കോർഡിനേറ്റർ ലയൺ ഡോ. അവ്നി സ്കന്ദൻ കഠിനമായ ശ്രമങ്ങളിലൂടെയും, മണിക്കൂറുകൾക്കുള്ളിൽ സജീവമായി പ്രവർത്തനം ആരംഭിച്ചു. ഏകദേശം 1 ലക്ഷം രൂപ വിലവരുന്ന ഇൻസുലിൻ 200 അധികം കാർട്രിഡ്ജുകൾ ലയൺസ് കൂട്ടായ്മ സംഭാവനയായി സമാഹരിച്ചു.
ഇൻസുലിൻ കിറ്റുകൾ ഔദ്യോഗികമായി കൈമാറിയ ചടങ്ങ് കോഴിക്കോട് ബാലുശ്ശേരി ശ്രീ ഗോകുലം കൺവെൻഷൻ സെന്ററിൽ നടന്നു. ആഘോഷത്തിന് കരുണയുടെ നിറം പകരവെച്ച്, പ്രശസ്ത സന്നദ്ധ സേവകനും വ്യവസായിയുമായ ശ്രീ ഗോകുലം ഗോപാലൻ സന്നിഹിതനായിരുന്നു. ചടങ്ങിൽ കേരള ടൈപ്പ് 1 ഡയബെറ്റിസ് വെൽഫയർ അസോസിയേഷൻ പ്രസിഡൻ്റ് ശ്രീ. വിജേഷ് ടി.ആർക്കും സെക്രട്ടറി ശ്രീ. രൂപ്പസ് ബി.യ്ക്കും ഇൻസുലിൻ കിറ്റുകൾ പ്രതീകാത്മകമായി കൈമാറി.
ഈ സംരംഭം കരുണയും കർമ്മവും കൈകോർക്കുമ്പോൾ ഉണ്ടാകുന്ന മാറ്റത്തിന്റേതാണ്. ഓരോ കുട്ടിയും ഉറ്റുനോക്കുന്ന ജീവിതത്തിന്റെ നാളെയിലേക്കുള്ള പാതയെ പ്രകാശിപ്പിക്കാൻ ലയൺസ് 318E തുടർന്നും സജ്ജമാണ്. മരുന്ന് കിട്ടാതെ ഒരു കുട്ടിയും വേദനിക്കേണ്ടതില്ല ഇതാണ് ഈ സേവായാത്രയുടെ പ്രതിജ്ഞ.
