കൊടുവള്ളി:- പറമ്പത്തുകാവ് എ എം എൽ പി സ്കൂളിൽ സ്കൂൾ ലീഡർ തെരഞ്ഞെടുപ്പ് വിദ്യാർത്ഥികൾക്ക് പൊതുതെരഞ്ഞെടുപ്പിൻ്റെ ബാലപാഠം പകർന്നു നൽകുന്നതായി മാറി. പത്രികാ സമർപ്പണം, സൂക്ഷ്മപരിശോധന, പത്രിക പിൻവലിക്കൽ, ചിഹ്നം അനുവദിക്കൽ, തെരഞ്ഞെടുപ്പ് പ്രചാരണം, തെരഞ്ഞെടുപ്പ് ഏജൻ്റുമാർ, വോട്ടെടുപ്പ്, ഫലഖ്യാപനം, ആഹ്ലാദപ്രകടനം എന്നിവ നടന്നു. ഇലക്ട്രോണിക് വോട്ടിങ്ങ് മെഷീൻ ഉപയോഗിച്ചാണ് ഇലക്ഷൻ നടന്നത്. സ്കൂൾലീഡറായി ടി മുഹമ്മദ് റബീഹ് ആവിലോറയേയും, ഉപലീഡറായി പി പി ആയിഷ ഹൗനയേയും, സ്പോർട്സ് ലീഡറായി മുഹമ്മദ് ഹനീനേയും, ആർട്സ് സെക്രട്ടറിയായി നജ്വ ഫാത്തിമയേയും തെരഞ്ഞെടുത്തു. അനുമോദനയോഗം ഹെഡ്മിസ്ട്രസ് ശ്രീമതി: സി കെ സുലൈഖ ഉദ്ഘാടനം ചെയ്തു. ഫസൽ ആവിലോറ അധ്യക്ഷനായി. ടി ഷബീന ബീവി, പി കെ നജ്മത്ത്, ടി കെ ഷീല, പി കെ യുസൈറ ഫെബിൻ മുബഷിർ പാലങ്ങാട്, അഫ്ത്താഷ് എളേറ്റിൽ, മുഫീദ് മടവൂർ, പി സ്മിത, പി ജസീല, കെ നാജിഷ ആശംസകൾ നേർന്ന് സംസാരിച്ചു. ഈ മാസം 28 ന് നടക്കുന്ന ചടങ്ങിൽ ലീഡർമാർ സത്യപ്രതിജ്ഞ ചെയ്ത് അധികാരമേൽക്കും.
ജനാധിപത്യത്തിൻ്റെ ബാലപാഠം പകർന്ന് സ്കൂൾ ലീഡർ തെരഞ്ഞെടുപ്പ്
