ചാലിപ്പുഴയിലെയും ഇരുവഴഞ്ഞി പുഴയിലെയും കൂറ്റന് പാറകളെയും ആറ്റുവഞ്ചി ചെടികളെയും ഭേദിച്ച് വേണം കയാക്കര്മാര് ലക്ഷ്യ സ്ഥാനത്തെത്താന്. മത്സരത്തിനിടയില് കയാക്ക് മറിയാനും പാറകളില് ഇടിച്ചുവീഴാനും സാധ്യത ഏറെയാണ്. എന്നാല്, അപകടങ്ങള് തടയാനും പ്രയാസമില്ലാതെ മത്സരങ്ങള് പൂര്ത്തിയാക്കാനുമുള്ള ഏറ്റവും മികച്ച സുരക്ഷാ സംവിധാനങ്ങളാണ് അഡ്വഞ്ചര് ടൂറിസവും സംഘാടകരും അന്താരാഷ്ട്ര വൈറ്റ് വാട്ടര് കയാക്കിങ് മത്സരമായ മലബാര് റിവര് ഫെസ്റ്റിവല് 2025ല് ഒരുക്കിയിരിക്കുന്നത്.
ജപ്പാനിലെ റെസ്ക്യൂ അംഗങ്ങള്ക്ക് വരെ പരിശീലനം നല്കിയ നേപ്പാളില് നിന്നുള്ള ബിഷ്ണു ഗുരുവിന്റെ നേതൃത്വത്തിലുള്ള പ്രത്യേക സംഘവും ജില്ലയിലെ അഗ്നിരക്ഷ സേനയുടെ സ്ക്യൂബ ഡൈവിങ് വിഭാഗവും മത്സരങ്ങള്ക്കായി എത്തിയ കയാക്കേഴ്സും സുരക്ഷയൊരുക്കി സജീവമായുണ്ട്. എത്ര ഉയര്ന്ന് വെള്ളം എത്തിയാലും സുരക്ഷയൊരുക്കാനും അപകടമില്ലാതെ മത്സരങ്ങള് പൂര്ത്തിയാക്കാനും സാധിക്കുമെന്ന് അഡ്വഞ്ചര് ടൂറിസം പ്രൊമോഷന് സൊസൈറ്റി സിഇഒ ബിനു കുര്യാക്കോസ് പറയുന്നു.
അഗ്നിരക്ഷാ സേനയുടെ മുക്കം, വെള്ളിമാട്കുന്ന്, മീഞ്ചന്ത, ബീച്ച് സ്റ്റേഷനുകളിലെ 15 റെസ്ക്യൂ ഓഫീസര്മാരും 10 സിവില് ഡിഫന്സ് പ്രവര്ത്തകരും സജീവമായുണ്ട്. സ്ക്യൂബ ഉപകരണങ്ങള് ഡിങ്കി ബോട്ട്, ആംബുലന്സ് എന്നിവയെല്ലാമായി സുസജ്ജമാണ് അഗ്നിരക്ഷ സേന. മത്സരങ്ങള് കാണാനെത്തിയവര് പുഴയിലേക്ക് ഇറങ്ങാതിരിക്കാനുള്ള മുന്കരുതലുകളും സ്വീകരിക്കുന്നുണ്ട്. പുഴയില് രക്ഷാപ്രവര്ത്തനം നടത്തുന്നതിനുള്ള മൂന്ന് ദിവസത്തെ പരിശീലനം ഓഫീസര്മാര്ക്ക് ബിഷ്ണു ഗുരുവിന്റെ നേതൃത്വത്തില് നല്കിയിരുന്നു. എല്ലാ പോയന്റ്റുകളിലും കയാക്കുകളുമായി നില്ക്കുന്ന വിദേശികള് അടക്കമുള്ളവര് മത്സരത്തിന്റെ സുരക്ഷ ഉറപ്പ് വരുത്തുന്നു.
സാഹസികതക്കൊപ്പം സുരക്ഷയും; അപകടരഹിത കയാക്കിങ് ഉറപ്പാക്കി മലബാര് റിവര് ഫെസ്റ്റിവല്
Latest from Main News
ഇന്നലെ ഗുരുവായൂർ ക്ഷേത്രത്തിൽ വൻ ഭക്തജനത്തിരക്ക് അനുഭവപ്പെട്ടു. ക്രിസ്മസ് അവധിയും ഞായറാഴ്ചയും ഒത്തു വന്നതോടെ ദർശനത്തിനായി എത്തിയവരുടെ എണ്ണം ക്രമാതീതമായി വർധിച്ചു.
കോഴിക്കോട്: ദേശീയപാത 66ല് വെങ്ങളം–രാമനാട്ടുകര റീച്ചില് പുതുവര്ഷപ്പിറവിയോടെ ടോള്പിരിവ് ആരംഭിക്കും. ടോള് നിരക്കിന് കേന്ദ്ര ഉപരിതല ഗതാഗത മന്ത്രാലയം അനുമതി നല്കിയതിനെ
നിലമ്പൂർ വനത്തിനുള്ളിൽ സ്വർണ ഖനനത്തിൽ ഏർപ്പെട്ട ഏഴു പേർ പിടിയിൽ. വനം ഇന്റലിജൻസും റേഞ്ച് ഓഫീസറും ചേർന്ന് നടത്തിയ പരിശോധനയിലാണ് പ്രതികളെ
അഴിയൂർ: വടകര ബ്ലോക്ക് പഞ്ചായത്ത് ആർ ജെ ഡി അംഗം ചോമ്പാൽ പുതിയോട്ടും താഴെ കുനിയിൽ രജനി തെക്കെ തയ്യിലിന്റെ വീടിന്
ഫറോക്ക് കോളേജ് അണ്ടിക്കാടൻകുഴിയിൽ ഭർത്താവ് വെട്ടിപ്പരിക്കേൽപ്പിച്ച യുവതി മരിച്ചു. കരുവൻതിരുത്തി സ്വദേശി മുനീറ (30)യാണ് ചികിത്സയിലിരിക്കെ മരിച്ചത്. ബുധനാഴ്ച രാവിലെയാണ്