കെ.എസ്.എസ്.പി.എ ചേമഞ്ചേരി മണ്ഡലം കമ്മറ്റി പുതിയ അംഗങ്ങൾക്കുള്ള വരവേൽപും ആദരവും പ്രഭാഷണവും സംഘടിപ്പിച്ചു

കെ.എസ്.എസ്.പി.എ ചേമഞ്ചേരി മണ്ഡലം കമ്മറ്റി പുതിയ അംഗങ്ങൾക്കുള്ള വരവേൽപും ആദരവും പ്രഭാഷണവും സംഘടിപ്പിച്ചു.
പൂക്കാട്‌ കലാലയം അശോകം ഹാളിൽ നടന്ന ചടങ്ങ് ജില്ലാ ജോ.സെക്രട്ടറി വാഴയിൽ ശിവദാസൻ ഉദ്ഘാടനം ചെയ്തു. പ്രമുഖ വാഗ്മിയും
അധ്യാപകനുമായ ബിജു കാവിൽ മുഖ്യപ്രഭാഷണം നടത്തി. നാടക, ഷോട്ട് ഫിലിം, നാടൻ പാട്ട് കലാകാരി റിട്ട. വനിതാ സബ് ഇൻസ്പെക്ടർ പത്മിനി പത്മശ്രീയെ ആദരിച്ചു. ഈ വർഷം സംഘടനയിലേക്ക് കടന്നുവന്ന 23 പേരിൽ സന്നിഹിതരായ പത്തു പേരെ ഷാളണിയിച്ച് വരവേറ്റു. മണ്ഡലം പ്രസിഡൻഡ് എൻ വി കുഞ്ഞിരാമൻ അധ്യക്ഷം വഹിച്ചു. മണ്ഡലം സെക്രട്ടറി കെ.രാധാകൃഷ്ണൻ റിപ്പോർട്ട് അവതരിപ്പിച്ചു. നിയോജക മണ്ഡലം സെക്രട്ടറി പി.ബാബുരാജ്, ടി.കെ. ഇന്ദിര, ഉണ്ണിക്കൃഷ്ണൻ പൂക്കാട്, വിജയൻ കീഴലത്ത്, പി.പി. അസ്സൻ കോയ എന്നിവർ സംസാരിച്ചു.