പ്രശ്ന പരിഹാരമുണ്ടായില്ലെങ്കിൽ കോഴിക്കോട് കുറ്റ്യാടി റോഡിലെ ബസ്സുകൾ തടയും

എലത്തൂർ : കോഴിക്കോട് കുറ്റ്യാടി റൂട്ടിലെ മത്സരയോട്ടം നിരന്തരം അപകടങ്ങൾ വിളിച്ചുവരുത്തുന്നതിനാൽ ജില്ലാ കലക്ടർ ഇടപെട്ടു അടിയന്തര പരിഹാരം കാണണമെന്ന് യൂത്ത് കോൺഗ്രസിലത്തൂർ നിയോജകമണ്ഡലം കമ്മിറ്റി ആവശ്യപ്പെട്ടു. പ്രശ്നപരിഹാരം ഉണ്ടായില്ലെങ്കിൽ ഈ റൂട്ടിൽ സർവീസ് നടത്തുന്ന സ്വകാര്യ ബസ്സുകൾ തടയുമെന്ന് യൂത്ത് കോൺഗ്രസ് നിയോജകമണ്ഡലം യോഗം ചേർന്ന് തീരുമാനിച്ചു. യോഗം അസംബ്ലി പ്രസിഡന്റ് പി ഹാഷിഖ് അധ്യക്ഷത വഹിച്ചു. പ്രബി പുനത്തിൽ, ശ്യാം പ്രസാദ് കാക്കൂർ, അജേഷ് പൊയിൽതാഴം, അരുൺ രാജ് കക്കോടി,ഹൃഷികേശ് അമ്പലപ്പടി, സായൂജ് വി, അജൽ ദിവാനന്ദ്, ഗുലാം മുഹമ്മദ്, തുടങ്ങിയവർ മീറ്റിംഗിൽ പങ്കെടുത്തു