സർക്കാർ സാമുദായിക ഭിന്നതക്ക് കുടപിടിക്കുന്നു: പി.കെ കുഞ്ഞാലിക്കുട്ടി – വനിതാ ലീഗ് സംസ്ഥാന എക്‌സിക്യുട്ടീവ് ക്യാമ്പിന് പ്രൗഢമായ തുടക്കം

കോഴിക്കോട്: സമുദായങ്ങൾക്കിടയിൽ ഭിന്നത സൃഷ്ടിക്കുന്നവർക്ക് കുടപിടിക്കുന്ന നിലപാടുമായാണ് സംസ്ഥാന സർക്കാർ മുന്നോട്ട് പോകുന്നതെന്ന് മുസ്ലിംലീഗ് ദേശീയ ജനറൽ സെക്രട്ടറി പി.കെ കുഞ്ഞാലിക്കുട്ടി പറഞ്ഞു. കാപ്പാട് ആരംഭിച്ച വനിതാ ലീഗിന്റെ ദ്വിദിന സംസ്ഥാന എക്‌സിക്യുട്ടീവ് ക്യാമ്പ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. വർഗീയ പരാമർശങ്ങൾ ആര് നടത്തിയാലും അംഗീകരിക്കാനാവില്ല. കേരള സർക്കാർ വർഗീയവാദികളെ പ്രോത്സാഹിപ്പിക്കുകയാണ്. കേരളം മതസൗഹാർദ്ദത്തോടെ മുന്നോട്ട് പോകണം. വർഗീയത പറയുന്നവർക്കെതിരെ എല്ലാവരും ശക്തമായ നിലപാട് സ്വീകരിക്കണം. മുസ്‌ലിംലീഗ് നിലകൊള്ളുന്നത് മതേതര കേരളത്തിന് വേണ്ടിയാണ്. മുസ്‌ലിംലീഗിനകത്ത് ആരെങ്കിലും മതസാഹോദര്യത്തിന് പോറലേൽപ്പിക്കുന്ന രീതിയിൽ സംസാരിച്ചാൽ ആ നിമിഷം നടപടിയുണ്ടാകും. എല്ലാ പാർട്ടികളും സംഘടനകളും ഈ മാതൃകയാണ് പിന്തുടരേണ്ടത്. – പി.കെ കുഞ്ഞാലിക്കുട്ടി പറഞ്ഞു. കേരളത്തിൽ ഏറ്റവും ശക്തമായി പ്രവർത്തിക്കുന്ന മഹിളാ സംഘടനയാണ് വനിതാ ലീഗെന്നും വനിതാ ലീഗിന്റെ പ്രവർത്തനങ്ങൾക്ക് പാർട്ടിയുടെ പിന്തുണയും പ്രോത്സാഹനവും ഉണ്ടാകുമെന്നും അദ്ദേഹം കൂട്ടിച്ചേർത്തു.
സംസ്ഥാന പ്രസിഡന്റ് സുഹ്‌റ മമ്പാട് അധ്യക്ഷത വഹിച്ചു. ജനറൽ സെക്രട്ടറി അഡ്വ. പി. കുൽസു സ്വാഗതം പറഞ്ഞു. മുസ്ലിംലീഗ് സംസ്ഥാന സെക്രട്ടേറിയറ്റ് അംഗവും മുൻ മന്ത്രിയുമായ പി.കെ.കെ ബാവക്ക് വനിതാ ലീഗ് നൽകുന്ന ശ്രേഷ്ഠ സേവന പുരസ്‌ക്കാരം പി.കെ കുഞ്ഞാലിക്കുട്ടി കൈമാറി. സംസ്ഥാന വൈസ് പ്രസിഡന്റ് സി.എച്ച് റഷീദ് മുഖ്യപ്രഭാഷണം നടത്തി. വിവിധ സെഷനുകളിൽ ഷെരീഫ് സാഗർ, പി.കെ ഷറഫുദ്ദീൻ ക്ലാസ്സെടുത്തു. ചടങ്ങിൽ
അഡ്വ. എം. റഹ്‌മത്തുള്ള, എം.എ റസാക്ക് മാസ്റ്റർ, ടി.ടി ഇസ്മായിൽ, അഡ്വ. നൂർബിന റഷീദ് എന്നിവർ പ്രസംഗിച്ചു. ജയന്തി രാജൻ, അഡ്വ റസിയ, റോഷ്നി ഖാലിദ്, സീമ യഹ്‌യ ,അഡ്വ സാജിത സിദ്ദിഖ്, റംല കൊല്ലം, ജുബൈരിയ
തുടങ്ങിയവർ സംബന്ധിച്ചു. തദ്ദേശ തെരഞ്ഞെടുപ്പിനുള്ള മുന്നൊരുക്കങ്ങൾ, ജില്ലാ കമ്മിറ്റി റിപോർട്ടുകൾ, അവതരണം ഉൾപ്പടെ വിവിധ ചർച്ചകളും ക്യാമ്പിൻ്റെ ഭാഗമായി നടന്നു. സംസ്ഥാന വനിതാലീഗ് വൈസ് പ്രസിഡൻ്റുമാരായ ഷാഹിന നിയാസി, റസീന അബ്ദുൽ ഖാദർ, അഡ്വ. ഒ.എസ് നഫീസ, , മറിയം ടീച്ചർ, സാജിത നൗഷാദ്, സെക്രട്ടറിമാരായ സെറീന ഹസീബ്, ബ്രസീലിയ ഷംസുദ്ധീൻ, മീരാ റാണി, സാജിത ടീച്ചർ, ഷീന പടിഞ്ഞാറ്റേക്കര, ലൈല പുല്ലൂണി എന്നിവർ നേതൃത്വം നൽകി.14 ജില്ലകളിലെയും പ്രസിഡന്റ്‌, സെക്രട്ടറി, ട്രെഷറർമാർ ക്യാമ്പ് അംഗങ്ങൾ ആണ്. സംസ്ഥാന വനിതാ ലീഗ് വൈസ് പ്രസിഡന്റ്‌ പി സഫിയ നന്ദി രേഖപ്പെടുത്തി. ക്യാമ്പ് ഇന്ന് സമാപിക്കും. സമാപന സെഷൻ മുസ്‌ലിം ലീഗ് സംസ്ഥാന ജനറൽ സെക്രട്ടറി അഡ്വ. പി.എം.എ സലാം ഉദ്ഘാടനം ചെയ്യും.

Leave a Reply

Your email address will not be published.

Previous Story

പൂക്കാട് കലാലയത്തിന്റെ ആദ്യകാല പ്രവർത്തകനും കലാ സാംസ്കാരിക രംഗത്തെ പ്രവർത്തകനുമായ ടി.പി. ദാമോദരൻ മാസ്റ്ററെ പൂക്കാട് കലാലയം അനുസ്മരിച്ചു

Next Story

‘തെക്കന്‍ കരിയാത്തന്‍ തെയ്യം’ വടക്കൻ കേരളത്തിലെ അതിപ്രാചീനമായ അനുഷ്ഠാനം – അണിയറ – മധു.കെ

Latest from Main News

ബോളിവുഡ് നടന്‍ സൽമാൻ ഖാൻ കോഴിക്കോട്ട് വരുമെന്ന് കായികമന്ത്രി വി.അബ്ദുറഹിമാന്‍

ബോളിവുഡ് നടന്‍ സൽമാൻ ഖാൻ കോഴിക്കോട്ട് വരുമെന്ന് കായികമന്ത്രി വി.അബ്ദുറഹിമാന്‍. അടുത്ത ദിവസം കോഴിക്കോട് സ്റ്റേഡിയത്തിൽ വ്യത്യസ്തമായ ഒരു ബൈക്ക് റേസ്

ഡിജിറ്റല്‍ സര്‍വേ നടപടികള്‍ പൂര്‍ത്തിയാക്കിയ ജില്ലയിലെ ആദ്യ വില്ലേജായി തുറയൂര്‍

ഡിജിറ്റല്‍ സര്‍വേ നടപടിക്രമങ്ങള്‍ പൂര്‍ത്തിയാക്കുന്ന ജില്ലയിലെ ആദ്യ വില്ലേജായി കൊയിലാണ്ടി താലൂക്കിലെ തുറയൂര്‍. ഭൂരേഖകള്‍ റവന്യൂ ഭരണത്തിലേക്ക് കൈമാറുന്നത്തിന്റെ ഭാഗമായി സര്‍വേ

സംസ്ഥാനത്തെ തദ്ദേശസ്ഥാപനങ്ങളുടെ അന്തിമ വോട്ടർപട്ടിക പ്രസിദ്ധീകരിച്ചു: ആകെ 2.84 കോടി വോട്ടർമാർ

 ഒക്ടോബര്‍ 25 ന് പ്രസിദ്ധീകരിച്ച സംസ്ഥാനത്തെ തദ്ദേശസ്ഥാപനങ്ങളുടെ വോട്ടര്‍പട്ടികയില്‍ ആകെ 2,84,46,762 വോട്ടര്‍മാര്‍. തദ്ദേശസ്ഥാപനങ്ങളിലെ വാര്‍ഡ് പുനര്‍വിഭജനത്തിന് ശേഷം പുതിയ വാര്‍ഡുകളിലെ

കുറ്റ്യാടിക്കടുത്തെ വിനോദ സഞ്ചാര കേന്ദ്രമായ ഉറിതൂക്കി മല സന്ദർശിച്ച് മലയിറങ്ങുകയായിരുന്ന യുവാക്കൾ സഞ്ചരിച്ച സ്കൂട്ടർ അപകടത്തിൽപ്പെട്ടു യുവാവ് മരിച്ചു

കുറ്റ്യാടിക്കടുത്തെ വിനോദ സഞ്ചാര കേന്ദ്രമായ ഉറിതൂക്കി മല സന്ദർശിച്ച് മലയിറങ്ങുകയായിരുന്ന യുവാക്കൾ സഞ്ചരിച്ച സ്കൂട്ടർ അപകടത്തിൽപ്പെട്ടു യുവാവ് മരിച്ചു. രണ്ട് യുവാക്കൾക്ക്

പിഎം ശ്രീ: ശിവൻകുട്ടി – ബിനോയ് വിശ്വം കൂടിക്കാഴ്ച പരാജയം

പിഎം ശ്രീയെ ചൊല്ലി എൽഡിഎഫിലുണ്ടായ പൊട്ടിത്തെറിയിൽ അനുനയ നീക്കം ശക്തമാക്കി വിദ്യാഭ്യാസ മന്ത്രി വി. ശിവൻകുട്ടി സിപിഐ ആസ്ഥാനത്തെത്തി സംസ്ഥാന സെക്രട്ടറി