ഞാവൽപ്പഴമെന്ന് കരുതി വിഷക്കായ കഴിച്ച വിദ്യാർത്ഥിയെ ആശുപത്രിയിൽ പ്രവേശിപ്പിച്ചു. താമരശ്ശേരി ഗവ.ഹയർ സെക്കൻ്ററി സ്കൂൾ ഒൻപതാം ക്ലാസ് വിദ്യാർത്ഥിയാണ് കോഴിക്കോട് മെഡിക്കൽ കോളേജിൽ ചികിത്സയിൽ കഴിയുന്നത്. ചുണ്ട് തടിച്ചു വരികയും, ദേഹാസ്വാസ്ഥ്യം അനുഭവപ്പെടുകയും ചെയ്തതിനെ തുടർന്ന് കുട്ടിയെ ആദ്യം താമരശ്ശേരി ആശുപത്രിയിൽ എത്തിച്ചിരുന്നു. പ്രാഥമിക ചികിത്സക്ക് ശേഷമാണ് മെഡിക്കൽ കോളേജിലേക്ക് മാറ്റിയത്. വീടിനു സമീപത്തെ പറമ്പിൽ നിന്നാണ് ശനിയാഴ്ച ഞാവൽപ്പഴമെന്ന് കരുതി 14 കാരൻ വിഷക്കായ കഴിച്ചത്.
കഴിഞ്ഞ ദിവസവും ഇതേ മരത്തില് നിന്നുള്ള കായ കഴിച്ച രണ്ട് കുട്ടികള് താലൂക്ക് ആശുപത്രിയില് ചികിത്സ തേടിയിരുന്നു. ഞാവല്പ്പഴത്തിന്റെ സമയമാണിത്. അതുകൊണ്ട് ഞാവല്പ്പഴമാണ് എന്ന് കരുതി കഴിക്കുമ്പോള് ശ്രദ്ധിക്കണമെന്നാണ് ഡോക്ടര്മാര് നല്കുന്ന മുന്നറിയിപ്പ്.
