വൈക്കം മുഹമ്മദ് ബഷീർ ദിനത്തിൽ വന്മുകം- എളമ്പിലാട് എം.എൽ.പി.സ്കൂളിൽ വിദ്യാരംഗം കലാസാഹിത്യ വേദിയുടെ ആഭിമുഖ്യത്തിൽ വിവിധ പരിപാടികളോടെ ‘ഇമ്മിണി ബല്യ ദിനാഘോഷം’ നടത്തി. ബഷീർ കൃതികളെ അടിസ്ഥാനമാക്കി തയ്യാറാക്കിയ ബ്രോഷർ ‘ഇമ്മിണി ബല്യ ബഷീർ’ പി.ടി.എ. പ്രസിഡൻ്റ് പി.കെ. തുഷാര സ്കൂൾ ലീഡർ എം.കെ.വേദയ്ക്ക് കൈമാറി പുറത്തിറക്കി.
ബഷീറിൻ്റെ മുഴുവൻ കൃതികളും, കഥാപാത്രങ്ങളുടെ ചിത്രങ്ങളും പ്രദർശിപ്പിച്ചു. എല്ലാ ക്ലാസുകളിലും വിവിധ മത്സരങ്ങളും സംഘടിപ്പിച്ചു. പ്രധാനാധ്യാപിക എൻ.ടി.കെ.സീനത്ത് അധ്യക്ഷത വഹിച്ചു. വിദ്യാരംഗം കോ-ഓർഡിനേറ്റർ വി.ടി.ഐശ്വര്യ, വിദ്യാരംഗം ലീഡർ എ.കെ.അനുഷ്ക, മുഹമ്മദ് നഹ്യാൻ, സി.കെ.റയ്ഹാൻ, സി.ഖൈറുന്നിസാബി എന്നിവർ പ്രസംഗിച്ചു.
