കാഞ്ഞിലശ്ശേരി ബോധി ഗ്രന്ഥാലയത്തിൽ കേശവദേവ് അനുസ്മരണവും പുസ്തക ചർച്ചയും സംഘടിപ്പിച്ചു

വായനാപക്ഷാചരണത്തിന്റെ ഭാഗമായി കാഞ്ഞിലശ്ശേരി ബോധി ഗ്രന്ഥാലയം കേശവദേവ് അനുസ്മരണവും പുസ്തക ചർച്ചയും സംഘടിപ്പിച്ചു.
അനിൽ കാഞ്ഞിലശ്ശേരിയുടെ ‘വേട്ടക്കാരനും നക്ഷത്രങ്ങളും’ എന്ന കഥാസമാഹാരമാണ് ചർച്ച ചെയ്തത്. മധു കിഴക്കയിൽ പുസ്തക പരിചയം നടത്തി. ഡോ. ലാൽ രഞ്ജിത്ത്, വി.എം.ലീല , പി.ധനലക്ഷ്മി എന്നിവർ ചർച്ചയിൽ പങ്കെടുത്തു സംസാരിച്ചു. ഗ്രന്ഥകാരൻ അനിൽ കാഞ്ഞിലശ്ശേരി മറുമൊഴി രേഖപ്പെടുത്തി. ഗ്രന്ഥാലയം പ്രസിഡണ്ട് ഡോ. എൻ.വി. സദാനന്ദൻ അധ്യക്ഷത വഹിച്ചു. സെക്രട്ടറി യൂസഫ് മെഹ്ഫിൽ സ്വാഗതവും വി.കെ. അശോകൻ നന്ദിയും പറഞ്ഞു.