കൊയിലാണ്ടി: ഈ വർഷത്തെ എസ്.എസ്.എൽ.സി, യു.എസ്.എസ് പരീക്ഷകളിൽ ഉന്നത വിജയം നേടിയ വിദ്യാർത്ഥികൾക്ക് ആദരമർപ്പിച്ച് അനുമോദനസദസ് ഐസിഎസ് സെക്കൻഡറി സ്കൂളിൽ സംഘടിപ്പിച്ചു. വിജയിച്ച വിദ്യാർത്ഥികളോടൊപ്പം അവരെ വിജയത്തിലേക്ക് നയിച്ച അധ്യാപകരെയും ചടങ്ങിൽ ഉപഹാരം നൽകി ആദരിച്ചു.
ഐസിഎസ് സ്കൂൾ ഓഡിറ്റോറിയത്തിൽ നടന്ന ചടങ്ങിൽ ഡെപ്യൂട്ടി ഹെഡ്മാസ്റ്റർ നാരായണൻ മാസ്റ്റർ സ്വാഗതം പറഞ്ഞു. സ്കൂൾ പ്രിൻസിപ്പൽ ഷെമീമ് അലി അധ്യക്ഷനായിരുന്നു. ഐസിഎസ് സ്ഥാപകനും വൈസ് ചെയർമാനുമായ സിദ്ധിഖ് കൂട്ടുമുഖം ചടങ്ങ് ഉദ്ഘാടനം ചെയ്തു. വിജയികൾക്കുള്ള അംഗീകാരമായി ഈ ചടങ്ങ് മാറിയിരിക്കുകയാണ്. വിദ്യാർത്ഥികളുടെ പരിശ്രമം, കഴിവ്, പ്രതിബദ്ധത എന്നിവയെ അദ്ദേഹം അഭിനന്ദിച്ചു. സർവശക്തന്റെ അനുഗ്രഹത്തോടെ അവർക്ക് ഇനിയും കൂടുതൽ ഉയരങ്ങളിലേക്ക് എത്താൻ സാധിക്കട്ടെ എന്നും അദ്ദേഹം ആശംസിച്ചു.
ചടങ്ങിൽ ഐസിഎസ് മാനേജർ സാലിഹ് ബാത്ത്, എജുകേർ സിഇഒ ജിംഷാദ്, ഐസിഎസ് സെക്രട്ടറി കൂടിയായ മുനിസിപ്പൽ കൗൺസിലർ അസീസ് മാസ്റ്റർ, പി.റ്റി.എ പ്രസിഡണ്ട് അൻവർ, മദ്രസ സദർ മുഅല്ലിം മുഹമ്മദ് ഉസ്താദ്, രജീഷ് മാസ്റ്റർ തുടങ്ങിയവർ പങ്കെടുത്തു സംസാരിച്ചു. വിദ്യാർത്ഥികളും അവരുടെ രക്ഷിതാക്കളും പങ്കെടുത്ത പരിപാടിക്ക് ഹാദി നന്ദി പ്രകാശിപ്പിച്ചു.
