പതിനാലു വയസ്സുകാരിയെ ലൈംഗികമായി ഉപദ്രവിച്ച പ്രതിക്ക് അഞ്ചു വർഷം കഠിന തടവും, ഇരുപതിനായിരം രൂപ പിഴയും. മൂടാടി , മുചുകുന്നു , തണൽ വീട്ടിൽ നിസാർ (43) നു ആണ് കൊയിലാണ്ടി ഫാസ്റ്റ് ട്രാക്ക് സ്പെഷ്യൽ കോടതി ജഡ്ജ് നൗഷാദലി കെ, പോക്സോ നിയമപ്രകാരവും, ഇന്ത്യൻ ശിക്ഷാ നിയമപ്രകാരവും ശിക്ഷ വിധിച്ചത്.
2021 ൽ ആണ് കേസ് ആസ്പദമായ സംഭവം, പ്രതിയുടെ കൂടെ ബൈക്കിൽ യാത്ര ചെയ്യുകയായിരുന്നു കുട്ടിയെ ആളൊഴിഞ്ഞ വഴിയിൽ വണ്ടി നിർത്തി ലൈംഗികമായി ഉപദ്രവിക്കുകയായിരുന്നു പിന്നീട് കുട്ടി രക്ഷിതാക്കളോട് കാര്യം പറയുകയും , പോലീസിൽ അറിയിക്കുകയും ആയിരുന്നു. കൊയിലാണ്ടി പോലീസ് രജിസ്റ്റർ ചെയ്ത കേസ് സബ് ഇൻസ്പെക്ടർ അനൂപ് എം എൽ ആണ് അന്വേഷിച്ചത്, പ്രോസീക്യൂഷനു വേണ്ടി അഡ്വ പി ജെതിൻ ഹാജരായി.
