കൊയിലാണ്ടി: കാൻഫെഡ് യുവജന സമിതിയും ഗ്രാമിക സോഷ്യൽ മൂവ്മെന്റും സംയുക്തമായി സംഘടിപ്പിച്ച വായന ദിനാചരണത്തിൻ്റെ സമാപനചടങ്ങ് അനുഭവസാന്ദ്രമായി നടത്തി. ദേശീയ അദ്ധ്യാപക ജേതാവും സാക്ഷരത സാരഥിയുമായ കെ. ബാലകൃഷ്ണനെയും, പ്രശസ്ത കഥാകൃത്തായ ഷാജീവ് നാരായണനെയും ചടങ്ങിൽ ആദരിച്ചു.
കൊയിലാണ്ടി നഗരസഭ ചെയർപേഴ്സൺ സുധ കിഴക്കെപാട്ട് പരിപാടി ഉൽഘാടനം ചെയ്തു. ബ്ലോക്ക് പഞ്ചായത്ത് പ്രസിഡണ്ട് സുരേഷ് ചങ്ങാടത്ത് മുഖ്യപ്രഭാഷണം നടത്തി. കെ.എം. സുരേഷ് ബാബു അധ്യക്ഷത വഹിച്ചു.
അലയൻസ് ഇന്റർനാഷണൽ ഡിസ്ട്രിക് ഗവർണർ കെ. സുരേഷ് ബാബു, കാൻഫെഡ് യുവജന സമിതി സംസ്ഥാന വൈസ് പ്രസിഡണ്ട് കരുണാകരൻ കടമേരി, വൽസല മങ്കട, സി.കെ. ബാബു, ടി.ടി. രാമചന്ദ്രൻ, മുജീബ് കോമത്ത്, ശ്രീനി നടുവത്തൂർ, എടത്തിൽ രവി, പി. സുരേന്ദ്രൻ, ബിന്ദു കുറ്റിയിൽ, കെ.കെ. ദാസൻ എന്നിവർ ചടങ്ങിൽ പ്രസംഗിച്ചു.
