ഒരു വർഷമായിട്ടും 12-ാം പെൻഷൻ പരിഷ്കരണ നടപടി ആരംഭിക്കാത്ത സംസ്ഥാന സർക്കാരിൻ്റെ വഞ്ചനക്കെതിരെ കെഎസ്എസ് പിഎ സംസ്ഥാന വ്യാപകമായി ട്രഷറികൾക്ക് മുൻപിൽ ജൂലായ് 1 ന് പ്രതിഷേധ സൂചകമായി കരിദിനം ആചരിക്കുന്നു. കൊയിലാണ്ടി, പയ്യോളി ട്രഷറികൾക്ക് മുൻപിൽ നടത്തുന്ന പ്രസ്തുത പരിപാടി വൻവിജയമാക്കാൻ മുഴുവൻ പ്രവർത്തകരും രംഗത്തിറങ്ങണമെന്ന് കെഎസ്എസ് പിഎ സംസ്ഥാന കമ്മിറ്റി അംഗം ശ്രീ വി.സദാനന്ദൻ ആവശ്യപ്പെട്ടു.
കൊയിലാണ്ടി നിയോജക മണ്ഡലം സിക്രട്ടറി ശ്രീ പി. ബാബുരാജ് സ്വാഗതം പറഞ്ഞ യോഗത്തിൽ പ്രസിഡണ്ട് ശ്രീ പി. വത്സരാജ് അദ്ധ്യക്ഷത വഹിച്ചു. ശ്രീ ശിവദാസൻ വാഴയിൽ, ടി.കെ കൃഷ്ണൻ, രാജീവൻ മഠത്തിൽ, പ്രേമകുമാരി,ബാലൻ ഒതയോത്ത് , സോമൻ വായനാരി,
സുരേഷ് ബാബു എടക്കുടി, ഇന്ദിര ടീച്ചർ എന്നിവർ സംസാരിച്ചു.
