ഇരുചക്രവാഹനങ്ങളുമായി ബന്ധപ്പെട്ട അപകടങ്ങൾ വര്ധിച്ച പശ്ചാത്തലത്തില് പുതിയ സുരക്ഷാ നിര്ദേശങ്ങളുമായി കേന്ദ്ര ഗതാഗത മന്ത്രാലയം. ഇനി മുതൽ ഇരുചക്രവാഹനങ്ങൾ വാങ്ങുമ്പോള് ബ്യൂറോ ഓഫ് ഇന്ത്യന് സ്റ്റാന്ഡേര്ഡ്സ് (BIS) നിര്ദ്ദേശിച്ച സ്പെസിഫിക്കേഷനുകൾക്ക് അനുസൃതമായി രണ്ട് ഹെല്മറ്റുകൾ കമ്പനികള് വാഹനത്തിന് ഒപ്പം നല്കണമെന്ന് മന്ത്രാലയം പുറത്തിറക്കിയ വിജ്ഞാപനത്തിൽ വ്യക്തമാക്കുന്നു.
പിന്നീട്, 2026 ജനുവരി 1 മുതൽ നിര്മ്മിക്കുന്ന എല്ലാ L2 വിഭാഗത്തിലുള്ള ഇരുചക്രവാഹനങ്ങളിലും IS14664:2010 സ്റ്റാൻഡേര്ഡിനുസരിച്ചുള്ള ആന്റി-ലോക്ക് ബ്രേക്കിങ് സിസ്റ്റം (ABS) നിര്ബന്ധമാകുമെന്ന് കേന്ദ്രം വ്യക്തമാക്കി. യാത്രക്കാരുടെ സുരക്ഷ ഉറപ്പാക്കുന്നതിനായാണ് ഈ കർശന നടപടി. ഇപ്പോഴുള്ള നിയമപ്രകാരം 125 സിസിക്ക് മുകളിലുള്ള എഞ്ചിൻ ശേഷിയുള്ള വാഹനങ്ങൾക്കാണ് ABS നിര്ബന്ധമാക്കിയിട്ടുള്ളത്. പുതിയ വിജ്ഞാപനത്തോടൊപ്പം ഈ പരിധി നീട്ടി എല്ലാ എഞ്ചിൻ ശേഷിയുള്ള വാഹനങ്ങളിലും ABS ബാധകമാകും.
