തൃശൂര് വാല്പ്പാറയില് നാലു വയസുകാരിയെ ആക്രമിച്ച് കൊലപ്പെടുത്തിയ നരഭോജി പുലി കെണിയില് കുടുങ്ങി. പച്ച മല എസ്റേറ്റിന് സമീപത്ത് വനം വകുപ്പ് വച്ച കെണിയിലാണ് പുലി കുടുങ്ങിയത്.
കഴിഞ്ഞദിവസമാണ് വീടിന് മുന്പില് കളിക്കുകയായിരുന്ന നാലു വയസുകാരിയെ പുലി പിടിച്ചുകൊണ്ടുപോയത്. മണിക്കൂറുകള് നീണ്ട തിരച്ചിലിന് ഒടുവില് കുട്ടിയുടെ മൃതദേഹം കണ്ടെത്തുകയായിരുന്നു. തുടര്ന്നാണ് നാട്ടില് ഭീതി പരത്തിയ പുലിയെ കെണിയിലാക്കാന് കൂട് സ്ഥാപിച്ചത്.
