കോഴിക്കോട്: കെ.എസ്.ഇ.ബി. പെൻഷൻകാരുടെ പെൻഷൻ അടിയന്തരമായി പരിഷ്കരിക്കണമെന്ന് കെ.എസ്.ഇ.ബി. പെൻഷനേഴ്സ് കൂട്ടായ്മയുടെ കോഴിക്കോട് ജില്ലാ സമ്മേളനം ആവശ്യപ്പെട്ടു. സംസ്ഥാന പ്രസിഡൻറ് ജെയിംസ് എം. ഡേവിഡ് സമ്മേളനം ഉദ്ഘാടനം ചെയ്തു. ജില്ലാ പ്രസിഡൻറ് പി.ഐ. അജയൻ അധ്യക്ഷത വഹിച്ചു. സംസ്ഥാന ജനറൽ സെക്രട്ടറി എ.വി. വിമൽ ചന്ദ് മുഖ്യപ്രഭാഷണം നടത്തി.
സംസ്ഥാന വൈസ് പ്രസിഡൻറ് കെ. വിജയൻ, മേഖല സെക്രട്ടറി പി.വി. ദിനേശ്‌ചന്ദ്രൻ, എ.കെ. അബ്ബാസ്, എം. മനോഹരൻ, പി.ടി. സുജാത, പി. സുന്ദരൻ, കെ. ബാബു, സി.കെ. ജയകുമാർ, സി. സരസ്വതി, വി. ദാമോദരൻ, എ. മനോജ് മോൻ, കെ. സുരേഷ് ബാബു, സുരേന്ദ്രൻ കീഴരയൂർ, വി. പീതാംബരൻ, സി. അരവിന്ദാക്ഷൻ, അബ്ദുൽ റഷീദ്, ഇ.കെ. ഗോപാലൻ, രവീന്ദ്രൻ, പി.പി. വൈരമണി എന്നിവർ പ്രസംഗിച്ചു.
സമ്മേളനത്തിന്‍റെ തുടക്കത്തിൽ ജില്ലാ പ്രസിഡൻറ് പി.ഐ. അജയൻ പതാക ഉയർത്തി. സെക്രട്ടറി എം. മനോഹരൻ പ്രവർത്തന റിപ്പോർട്ടും ട്രഷറർ പി. പീതാംബരൻ വരവ്-ചെലവ് കണക്കും അവതരിപ്പിച്ചു. പി.ടി. സുജാത അനുശോചന പ്രമേയം അവതരിപ്പിച്ചു.സമ്മേളനം ഡി.എ. കുടിശ്ശിക നൽകണം, മണിയാർ ജലവൈദ്യുത പദ്ധതി സർക്കാർ ഏറ്റെടുക്കണം തുടങ്ങിയ ആവശ്യങ്ങളും ഉന്നയിച്ചു.
സമ്മേളനത്തിനോടനുബന്ധിച്ച് നടന്ന സർഗവേദിയിൽ കെ. സുരേഷ് ബാബു, സായ് കുമാർ, ലീന, സി. ദിനേശൻ, സിന്ദുരാജ്, എം. സുരേന്ദ്രൻ, ഉണ്ണി കൂട്ടാലിട, രമേശൻ, സുനിൽകുമാർ എന്നിവർ ഗാനങ്ങൾ ആലപിച്ചു.
