ഖത്തറിൽ ഇറാൻ നടത്തിയ ആക്രമണത്തിന്റെ പശ്ചാത്തലത്തിൽ ഇന്ത്യൻ സമൂഹം ജാഗ്രത പാലിക്കണമെന്നും വീടിനുള്ളിൽ തന്നെ തുടരണമെന്നും ദോഹയിലെ ഇന്ത്യൻ എംബസി അറിയിച്ചു. ഖത്തർ അധികൃതരുടെ നിർദ്ദേശങ്ങളും പ്രാദേശിക വാർത്തകളും ശ്രദ്ധിക്കണമെന്നും നിര്ദേശമുണ്ട്.ഇറാൻ ആക്രമണം കണക്കിലെടുത്ത് വിവിധ വ്യോമപാതകൾ അടച്ചതോടെ ഇന്ത്യയിൽ നിന്നുള്ള നിരവധി വിമാന സർവീസുകൾ റദ്ദാക്കുകയും വൈകുകയും ചെയ്തു. ഇനിയൊരു അറിയിപ്പ് ഉണ്ടാകുന്നതുവരെ, മേഖലയിലേക്കുള്ള വിമാനങ്ങൾ വഴി തിരിച്ചു വിടുകയോ ഇന്ത്യയിലേക്ക് മടങ്ങുകയോ ചെയ്യുമെന്ന് എയർ ഇന്ത്യ അറിയിച്ചു. വടക്കേ അമേരിക്കയിലേക്കും യൂറോപ്പിലേക്കുമുള്ള സർവീസുകളും നിർത്തിവെച്ചിട്ടുണ്ട്. തിരുവനന്തപുരം, കണ്ണൂര് വിമാനത്താവളങ്ങളില് നിന്നുള്ള വിവിധ വിമാന സർവീസുകളും തടസ്സപ്പെട്ടു. യാത്ര പുറപ്പെടും മുൻപ് അറിയിപ്പുകൾ ശ്രദ്ധിക്കണമെന്ന് സ്പൈസ് ജെറ്റും അറിയിച്ചു.
ഖത്തറിലെ ആക്രമണത്തിന്റെ പശ്ചാത്തലത്തിൽ ജാഗ്രത പാലിക്കണമെന്ന് ഇന്ത്യൻ എംബസി ; ഇന്ത്യയിൽ നിന്നുള്ള നിരവധി വിമാന സർവീസുകൾ തടസ്സപ്പെട്ടു
