ശബരിമലയിലെ പ്രസാദത്തിന്റെ ശുദ്ധതയ്ക്കായി തിരുവിതാംകൂർ ദേവസ്വം ബോർഡ് ഒരു തീരുമാനമെടുത്തു. കേരളത്തിനു പുറത്തുനിന്നുള്ള നെയ്യ് വാങ്ങൽ നിർത്തി മിൽമയിൽനിന്ന് രണ്ടുലക്ഷം ലിറ്റർ നെയ്യ് വാങ്ങാൻ തീരുമാനിച്ചു. വർഷങ്ങളായി കുറഞ്ഞ വിലയ്ക്ക് മറ്റു സംസ്ഥാനങ്ങളിൽനിന്ന് നെയ്യ് വാങ്ങിയിരുന്നു. ഇനി ഗുണനിലവാരം ഉറപ്പാക്കാനാണ് ഈ മാറ്റം. ഭക്തരുടെ വിശ്വാസത്തിനും ആരോഗ്യത്തിനും മുൻഗണന നൽകിയ ഈ തീരുമാനം പ്രശംസനീയമാണ്.
