വില്യാപ്പള്ളി, മണിയൂര്‍ ഐടിഐകളുടെ നിര്‍മാണം അന്തിമഘട്ടത്തിലേക്ക്

കുറ്റ്യാടി നിയോജകമണ്ഡലത്തിലെ മണിയൂര്‍, വില്യാപ്പള്ളി ഐടിഐകള്‍ക്കായുള്ള കെട്ടിട നിര്‍മാണം അന്തിമഘട്ടത്തിലേക്ക്. മണ്ഡലത്തിലെ വിവിധ പൊതുമരാമത്ത് പ്രവൃത്തികളുമായി ബന്ധപ്പെട്ട് വടകര റസ്റ്റ് ഹൗസില്‍ ചേര്‍ന്ന സിഎംടി യോഗത്തില്‍, മണിയൂര്‍ ഐടിഐയുടെ പുതിയ കെട്ടിടത്തിന്റെ കോണ്‍ക്രീറ്റിങ് പൂര്‍ത്തിയായതായും വില്യാപ്പള്ളി ഐടിഐയുടെ ഫ്‌ളോറിങ് 90 ശതമാനം പൂര്‍ത്തീകരിച്ചതായും ഉദ്യോഗസ്ഥര്‍ അറിയിച്ചു. വില്യാപ്പള്ളിയിലെ കെട്ടിടം പ്രവൃത്തി ജൂലൈയിലും മണിയൂരിലേത് ആഗസ്റ്റിലും പൂര്‍ത്തീകരിക്കാന്‍ കരാറുകാരന് യോഗം നിര്‍ദേശം നല്‍കി.

നൂതന രീതിയില്‍ ഡിസൈന്‍ ചെയ്ത രണ്ട് ഐടിഐ കെട്ടിടങ്ങളും വര്‍ക്‌ഷോപ്പ്, കമ്പ്യൂട്ടര്‍ ലാബ്, ടോയ്‌ലറ്റ് ബ്ലോക്ക്, സ്റ്റാഫ് റൂം, ക്ലാസ് റൂം, സ്റ്റോര്‍ റൂം തുടങ്ങിയ സൗകര്യങ്ങളോടെയാണ് സജ്ജമാക്കുക. ദീര്‍ഘകാലമായി സ്ഥലപരിമിതിയില്‍ പ്രയാസപ്പെട്ടിരുന്ന വില്യാപ്പള്ളി, മണിയൂര്‍ ഐടിഐ കെട്ടിടങ്ങള്‍ക്ക് സര്‍ക്കാരിന്റെ നൂറുദിന കര്‍മപരിപാടിയില്‍ ഉള്‍പ്പെടുത്തി 2023 ഏപ്രിലില്‍ പൊതുവിദ്യാഭ്യാസ, തൊഴില്‍ വകുപ്പ് മന്ത്രി വി ശിവന്‍കുട്ടിയാണ് ശിലയിട്ടത്.

യോഗത്തില്‍ കെ പി കുഞ്ഞമ്മദ് കുട്ടി മാസ്റ്റര്‍ എംഎല്‍എ അധ്യക്ഷത വഹിച്ചു. പെതുമരാമത്ത് വകുപ്പ് എക്‌സിക്യൂട്ടീവ് എഞ്ചിനീയര്‍ ശ്രീജയന്‍, അസിസ്റ്റന്റ് എക്‌സിക്യൂട്ടീവ് എഞ്ചിനീയര്‍ നിധിന്‍ ലക്ഷ്മണന്‍, എഞ്ചിനീയര്‍മാര്‍, ഓവര്‍സിയര്‍മാര്‍ എന്നിവര്‍ പങ്കെടുത്തു.

Leave a Reply

Your email address will not be published.

Previous Story

എം.ടി മുതൽ തകഴിവരെ: സാഹിത്യകൃതികൾ ചിത്രങ്ങളായി മാറി

Next Story

കലയും തൊഴിലും കോര്‍ത്തിണക്കുന്ന പാഠ്യപദ്ധതിയുമായി എസ്എസ്‌കെ – ജില്ലയില്‍ 23 സ്‌കൂളുകളില്‍ ക്രിയേറ്റീവ് കോര്‍ണറുകള്‍ ഒരുക്കും

Latest from Local News

കൊയിലാണ്ടി ടൗണിലെ നൈറ്റ് പട്രോൾ ശക്തമാക്കണം: വ്യാപാരികൾ

കൊയിലാണ്ടി ടൗണിലെ നാലോളം കടകളിൽ കള്ളൻ കയറിയ സാഹചര്യത്തിൽ നൈറ്റ് പട്രോൾ ശക്തമാക്കണമെന്ന് വ്യാപാരി വ്യവസായി ഏകോപന സമിതി കൊയിലാണ്ടി യൂണിറ്റ്

മേയ്ത്ര ഹോസ്പിറ്റലിൽ കാർ-ടി സെൽ തെറാപ്പിയിലൂടെ രക്താർബുദ ചികിത്സയിൽ പുതിയ നാഴികക്കല്ല്

കോഴിക്കോട്: രക്താർബുദ ചികിത്സയിൽ വിപ്ലവകരമായ മുന്നേറ്റം കുറിച്ച് മേയ്ത്ര ഹോസ്പിറ്റൽ. 25 വയസുകാരനായ രക്താർബുദ രോഗിക്ക് കാർ-ടി സെൽ തെറാപ്പി നടപ്പാക്കിയാണ്

മണിയൂർ പഞ്ചായത്തിൽ ബി.ജെ.പി പ്രതിഷേധ മാർച്ച് നടത്തി

മണിയൂർ പഞ്ചായത്തിൽ നടത്തിയ കേരളോത്സവത്തിൽ പങ്കെടുത്ത പ്രായപൂർത്തിയാവാത്ത പെൺകുട്ടിക്കെതിരെ ലൈംഗിക അതിക്രമ പരാതി നിയമപാലകരെ അറിയിക്കാതെ ആരോപണ വിധേയനായ വ്യക്തിയെ സംരക്ഷിക്കാൻ

ഇന്നലെ അന്തരിച്ച അരിക്കുളം കൊല്ലിയേരി സതീശന് നാടിന്റെ യാത്രാമൊഴി

അരിക്കുളം: ഇന്നലെ അന്തരിച്ച അരിക്കുളം കൊല്ലിയേരി സതീശന് അന്ത്യോപചാരം അർപ്പിക്കാൻ രാഷ്ട്രീയ സാമൂഹിക രംഗത്തുള്ള ഒട്ടേറെ പേർ വീട്ടിലെത്തി. കേരള ഗസറ്റഡ്

കൊയിലാണ്ടി നഗരസഭയിലെ കണയങ്കോട് വഴിയോര വിശ്രമകേന്ദ്രവും യു.കെ ഡി. സ്മാരക സാംസ്കാരിക കേന്ദ്രവും ഉദ്ഘാടനം ചെയ്തു

കൊയിലാണ്ടി നഗരസഭയിലെ കണയങ്കോട് വഴിയോര വിശ്രമ കേന്ദ്രവും യു.കെ ഡി. സ്മാരക സാംസ്കാരിക കേന്ദ്രവും വനം വന്യജീവി വകുപ്പ് മന്ത്രി എ