ഗാനങ്ങളെക്കാൾ ശ്രേഷ്ഠമായി മറ്റൊന്നുമില്ല രമേശ് കാവിൽ

മേപ്പയൂർ :ഗാനങ്ങളെക്കാൾ ശ്രേഷ്ഠമായി മറ്റൊന്നുമില്ലെന്നും വേദനിക്കുന്ന മനസ്സുകളിൽ സാന്ത്വനമേകാൻ സം ഗീതത്തിനു കഴിയുമെന്ന് ഗാനര ചയിതാവ് രമേശ് കാവിൽ പറഞ്ഞു. രാജ്യാന്തര സംഗീത ദിന ത്തിൽ മണ്ഡലം കോൺഗ്രസ് കമ്മിറ്റി സംഘടിപ്പിച്ച സംഗീതനി ശയും ആദരവും ഉദ്ഘാടനം ചെയ്യുകയായിരുന്നു അദ്ദേഹം. പ്രകൃതി മുഴുവൻ സംഗീതമയമാണെന്നും അദ്ദേഹം പറഞ്ഞു ,മേപ്പയൂർ മണ്ഡലം കോൺഗ്രസ് കമ്മിറ്റി പ്രസിഡന്റ് പി.കെ.അനീഷ് അധ്യക്ഷത വഹിച്ചു. സംഗീത രംഗത്തെ പ്രതിഭകളായ എം .പി.ശിവാനന്ദൻ ഭാഗവതർ, മേപ്പയൂർ ബാലൻ, ആർ.കെ.മാധവൻ നായർ, സത്യൻ മേപ്പയൂർ, രതീഷ് മേപ്പയൂർ, ഷാജി കീഴ്പയൂർ, എം.പി.രാജേന്ദ്രൻ, മുരളി നാദം, പി.ടി.പ്രദീപൻ എന്നിവരെ ചടങ്ങിൽ ആദരിച്ചു.ഡിസിസി ജനറൽ സെക്രട്ടറി ഇ.അശോകൻ, ബ്ലോക്ക് കോൺഗ്രസ് പ്രസിഡന്റ് കെ.പി.രാമചന്ദ്രൻ, ഡിസിസി നിർവാഹക സമിതി അംഗം കെ.പി.വേണുഗോപാൽ, യു ഡി എഫ് ചെയർമാൻ പറമ്പാട്ട് സുധാകരൻ, മണ്ഡലം ട്രഷറർ സുധാകരൻ പുതുകുളങ്ങര, ബ്ലോക്ക് കോൺഗ്രസ് ജനറൽ സെക്രട്ടറി സി.എം.ബാബു, മണ്ഢലം ജനറൽ സെക്രട്ടറി സത്യൻ വിളയാട്ടൂർ എന്നിവർ പ്രസംഗിച്ചു.സംഗീത നിശയും അരങ്ങേറി.