കൊയിലാണ്ടി: നഗരസഭ പരിധിയിലെ പന്തലായനിയിൽ നവീകരിച്ച നമ്പിവീട് കുളം പൊതുജനങ്ങൾക്ക് സമർപ്പിച്ചു. നമ്പിവീട് കുടുംബം സൗജന്യമായി നഗരസഭയ്ക്ക് വിട്ടുകൊടുത്ത കുളം, 25 ലക്ഷം രൂപ ചെലവഴിച്ച് ആധുനിക സൗകര്യങ്ങളോടെ നവീകരിച്ചാണ് നാട്ടുകാർക്ക് തിരിച്ചുകിട്ടിയത്.
നഗരസഭ അധ്യക്ഷ സുധ കിഴക്കെപ്പാട്ട് കുളം പൊതുജനങ്ങൾക്ക് ഔദ്യോഗികമായി സമർപ്പിച്ചു. നഗരസഭ ഉപാധ്യക്ഷൻ കെ. സത്യൻ ചടങ്ങിൽ അധ്യക്ഷനായിരുന്നു.
നമ്പി വീട്ടിൽ കുടുംബാംഗങ്ങളായ രുഗ്മിണി അമ്മ, എൻ.വി. സത്യനാഥൻ എന്നിവരെയും, പ്രമുഖ നീന്തൽ താരം നാരായണനെയും ചടങ്ങിൽ ആദരിച്ചു.
നഗരസഭ സ്ഥിരം സമിതി അധ്യക്ഷരായ ഇ.കെ. അജീത്, കെ.എ. ഇന്ദിര, കൗൺസിലർമാരായ പി. പ്രജിഷ്, വി. രമേശൻ, കെ.കെ. വൈശാഖ്, വാർഡ് വികസന സമിതി കൺവീനർ പി. ചന്ദ്രശേഖരൻ, ടി.കെ. ചന്ദ്രൻ, എം.വി. ബാലൻ, എൻ.സി. സത്യൻ, വി.എം. അനൂപ്, എൻ.വി. സത്യനാഥൻ, ടി.കെ. ശ്രീകുമാർ എന്നിവരും ചടങ്ങിൽ പങ്കെടുത്തു
