കൊയിലാണ്ടി ∙ പൂക്കാട് സ്തുതി ഹൗസിൽ അഷറഫിന്റെ വീടിന്റെ മുകൾനിലയിലെ മുറിയിൽ വാഷിംഗ് മെഷീനിൽ തീപിടിത്തം. ഇന്നലെ രാത്രി പത്തരയോടെയാണ് സംഭവം നടന്നത്. വൈദ്യുതി ഷോർട്ട് സർക്യൂട്ടാണ് തീപിടിത്തത്തിന് കാരണമെന്നാണ് പ്രാഥമിക നിഗമനം.
വിവരം ലഭിച്ചതോടെ കൊയിലാണ്ടി ഫയർ സ്റ്റേഷനിൽ നിന്ന് അഗ്നിശമന സേന സ്ഥലത്തെത്തി. അഗ്നിരക്ഷാസേന പ്രവർത്തകർ DCP എക്സ്റ്റിംഗ്വിഷർ ഉപയോഗിച്ച് തീ അണയ്ക്കുകയും, തീപടരാതിരിക്കാൻ കൃത്യമായ നിയന്ത്രണ നടപടികൾ സ്വീകരിക്കുകയും ചെയ്തു. ഫയർ സേനയുടെ സമയോചിതമായ ഇടപെടൽ മൂലം വലിയ ദുരന്തം ഒഴിവായി. റക്ഷാപ്രവർത്തനത്തിന് അഗ്നിരക്ഷാസേന ഓഫീസർ അനിൽകുമാർ പി.എം. ന്റെ നേതൃത്വത്തിൽ SFRO അനൂപ് ബി.കെ., ഫയർ ആൻഡ് റെസ്ക്യൂ ഓഫീസർമാരായ രതീഷ് കെ.എൻ., ഇർഷാദ് ടി.കെ., നവീൻ, ഷാജു കെ., ഹോംഗാർഡുമാരായ ഷൈജു, പ്രതീഷ് എന്നിവർ പ്രവർത്തിച്ചു.
