കൊയിലാണ്ടി ചാത്തോത്ത് ശ്രീധരൻ നായർ പ്രഭാത് എൻഡോവ്മെന്റ് വായനാദിനത്തിൽ 150 വർഷം പിന്നിട്ട കൊല്ലം പിഷാരികാവ് എൽ പി സ്കൂൾ ലൈബ്രറിക്ക് സമ്മാനിച്ചു. ചാത്തോത്ത് ശ്രീധരൻ നായരുടെ പേരിലുള്ള ആറാമത് എൻഡോവ്മെന്റാണ് ഈ വർഷം നൽകുന്നത്. ഇ കെ വിജയൻ എം എൽ എ പുരസ്കാര വിതരണം നടത്തി. വാർഡ് കൗൺസിലർ ഫക്രുദീൻ മാസ്റ്റർ അധ്യക്ഷനായിരുന്നു.
കൊയിലാണ്ടി നഗരസഭ സ്ഥിരം സമിതി അധ്യക്ഷനായ ഇ കെ അജിത്ത് വായനദിന സന്ദേശം കൈമാറി.അഡ്വ സുനിൽ മോഹൻ,പിഷാരികാവ് ദേവസ്വം മാനേജർ വി പി ഭാസ്കരൻ, പി ടി എ പ്രസിഡണ്ട് എ പി നിധീഷ്, പ്രധാന അധ്യാപിക ബിനിത ആർ , കെ ചിന്നൻ എന്നിവർ സംസാരിച്ചു. 10000 രൂപയുടെ പുസ്തകങ്ങളും പ്രശസ്തി പത്രവും അടങ്ങുന്നതാണ് എൻഡോവ്മെന്റ്’ നവീകരിച്ച സ്കൂൾ ലൈബ്രറിയും ഇ കെ വിജയൻ എം എൽ എ ഉദ്ഘാടനം ചെയ്തു.
