നിലമ്പൂർ :സാമൂഹ്യ ക്ഷേമ പെൻഷൻ 1600 രൂപ കൊടുക്കുന്ന സംസ്ഥാനത്ത് ബിവറേജസിൽ നിന്നും റിട്ടയർ ചെയ്ത തൊഴിലാളികൾക്ക് മിനിമം പെൻഷൻ 2000 രൂപയും ഉയർന്ന പെൻഷൻ 4300 രൂപയും മാത്രം നൽകുന്ന നടപടി തികച്ചും മനുഷ്യത്വരഹിതമാണെന്ന് ബേവ് കൊ പെൻഷനേഴ്സ് അസോസിയേഷൻ സംസ്ഥാന കൗൺസിൽ യോഗം അഭിപ്രായപ്പെട്ടു. മിനിമം പെൻഷൻ 5000 രൂപയും ഉയർന്ന പെൻഷൻ 10000 രൂപയും ആക്കി ഉടൻ വർധിപ്പിക്കണമെന്ന് ആവശ്യപ്പെട്ടു കൊണ്ട് ജൂലായ് 16 ന് തിരുവനന്തപുരം വെൽഫെയർ ബോർഡ് ആസ്ഥാനത്ത് അസോസിയേഷൻ ധർണ്ണ നടത്തുമെന്ന് നിലമ്പൂർ ബ്ലോക്ക് കോൺഗ്രസ്സ് ഓഫീസിൽ ചേർന്ന യോഗം തീരുമാനിച്ചു.
സംസ്ഥാന പ്രസിഡണ്ട് കെ.ബി. അനിൽകുമാർ അധ്യക്ഷത വഹിച്ച യോഗം മലപ്പുറം DCC ജനറൽ സെക്രട്ടറി ഹാരിസ് ബാബു ഉൽഘാടനം ചെയ്തു. അതോടൊപ്പം വിരമിച്ചു കൊണ്ടിരിക്കുന്ന തൊഴിലാളികൾക്ക് ഈ കഴിഞ്ഞ മാസം മുതൽ KSBC നൽകി പോരുന്ന 10000 രൂപ പാരിതോഷികം മുൻകാല പ്രാബല്യത്തോടെ വിരമിച്ച എല്ലാ തൊഴിലാളികൾക്കും നൽകണമെന്നും സംസ്ഥാന കൗൺസിൽ യോഗം ആവശ്യപ്പെട്ടു. BEA സംസ്ഥാന ഓർഗനൈസിംഗ് സെക്രട്ടറി സബീഷ് കുന്നങ്ങോത്ത് മുഖ്യാതിഥിയായി സംസ്ഥാന ഭാരവാഹികളായ AP ജോൺ പ്രഹ്ളാദൻ വയനാട് , MCസജീവൻ സൂര്യപ്രകാശ് സുനിൽ, സോമൻ കണ്ണൂർ എന്നിവർ സംസാരിച്ചു.
ബോവ്കൊ പെൻഷനേഴ്സ് അസോസിയേഷൻ അബ്കാരി വെൽഫയർ ബോർഡ് ഓഫീസിന് മുമ്പിൽ ധർണ്ണ നടത്തും
