സർവീസിൽ നിന്ന് വിരമിച്ച സഹയാത്രികന് തീവണ്ടിക്കൂട്ടത്തിന്റെ സ്നേഹാദരം

/

കൊയിലാണ്ടി: മൂന്ന് പതിറ്റാണ്ടിലേറെക്കാലത്തെ അധ്യാപക വൃത്തിയിൽ നിന്ന് വിരമിച്ച കൊയിലാണ്ടി കുറുവങ്ങാട് സ്വദേശി എൻ.വി.മുരളിക്ക് തീവണ്ടിയാത്രക്കാരുടെ കൂട്ടായ്മയുടെ നേതൃത്വത്തിൽ വേറിട്ട യാത്രയയപ്പ് നൽകി.

ഫറൂഖ് ചെറുവണ്ണൂർ കൊളത്തറ ആത്മവിദ്യാസംഘം യു.പി സ്കൂളിൽ നിന്നാണ് നീണ്ട 32 വർഷത്തെ സേവനത്തിന് ശേഷം എൻ.വി.മുരളി പ്രധാന അധ്യാപകനായാണ് വിരമിക്കുന്നത്.കൊളത്തറ ആത്മവിദ്യാസംഘം യു.പി സ്കൂളിൽ അധ്യാപകനായതു മുതൽ തീവണ്ടിയിലാണ് ഇദ്ദേഹത്തിന്റെ സ്കൂളിലേക്കുള്ള യാത്ര. ഡേ എക്സ്‌പ്രസായിരുന്ന വണ്ടി പരശുറാം എക്സ് പ്രസ്സായപ്പോഴും ദിനേന ടെയിനിൽ തന്നെ യാത്ര. അതിനിടയിൽ ഒറ്റലൈനായിരുന്ന റെയിൽപ്പാത ഇരട്ടപ്പാതയായി വികസിച്ചു. അന്നുമുതലുള്ള സഹയാത്രികരുണ്ട് പരിചയക്കാരായി.

എല്ലാവരോടും സ്നേഹാർദ്രമായി ഇടപഴകുന്ന എൻ.വി.മുരളിയുടെ വ്യതിരിക്തമായ പെരുമാറ്റ ശൈലി വലിയൊരു സൗഹൃദ വൃന്ദത്തിനെ അദേഹത്തിന് സമ്മാനിച്ചിട്ടുണ്ട്. പതിറ്റാണ്ടുകളുടെ ബന്ധമുള്ളവരും പുതുതലമുറയുമൊക്കെയായി വിവിധ മേഖലകളിൽ പ്രവർത്തിക്കുന്നവർ തീവണ്ടിക്കൂട്ടത്തിന്റെ സൗഹൃദ കൂട്ടായ്മയിലുണ്ട്.

വിദ്യാലയത്തിലും സർഗാത്മകവും നവീനവുമായ ഒട്ടേറെ പദ്ധതികൾ അധ്യാപകരുടെയും രക്ഷിതാക്കളുടെയും കൂട്ടായ്മ ഉറപ്പുവരുത്തി ആവിഷ്കരിച്ച് നടപ്പാക്കുന്നതിന് ഇദ്ദേഹത്തിന് കഴിഞ്ഞിരുന്നു. സ്വകാര്യ വ്യക്തികളുടെ കൈകളിലേക്ക് പോയ വിദ്യാലയം ആത്മവിദ്യാസംഘത്തിന്റെ മാനേജ്മെന്റിന്റെ കീഴിലേക്ക് തിരിച്ചെത്തിക്കുന്നതിൽ ഈ പ്രധാന അധ്യാപകൻ വഹിച്ച പങ്ക് ചെറുതല്ല. യുപി വിഭാഗത്തിൽ 9 ഡി വിഷനും എൽ.പി യിൽ 7 ഡിവിഷനുമായി മികച്ച വിദ്യാലയമാക്കി മാറ്റിയാണ് കുട്ടികളുടെയും രക്ഷിതാക്കളുടെയും പ്രിയപ്പെട്ട അധ്യാപകനായി വിദ്യാർത്ഥികളിൽ പലരുടെയും മാമനായി ഈ മാതൃകാധ്യാപകൻ സേവനത്തിൽ നിന്ന് വിരമിച്ചത്.

കൊയിലാണ്ടി റെയിൽവേ സ്റ്റേഷൻ പ്ലാറ്റ്ഫോമിൽ നടന്ന തീവണ്ടിക്കൂട്ടത്തിന്റെ യാത്രയയപ്പ് അതിന്റെ വൈകാരികഭാവം കൊണ്ട് ഹൃദ്യമായി. പ്രശസ്ത നാടകകൃത്തും സാഹിത്യ കാറനുമായ ചന്ദ്രശേഖരൻ തിക്കോടി ഉദ്ഘാടനം ചെയ്തു.

ടി.എം. രാജേഷ് അധ്യക്ഷനായി. അഡ്വ.സി. ലാൽ കിഷോർ, ഉണ്ണികൃഷ്ണൻ മെയ്ഫ്ലവർ,എൻ.കെ.മുരളി,ഫിറോസ്,റാഷിദ്, കാസിം, അഡ്വ. പി.രജിലേഷ്,അഡ്വ. പ്രജീന എന്നിവർ സംസാരിച്ചു

Leave a Reply

Your email address will not be published.

Previous Story

നടേരിക്കടവ് പാലത്തിന്റെ പ്രവൃത്തി  ഉദ്ഘാടനം മന്ത്രി പി എ മുഹമ്മദ് റിയാസ് നിർവഹിച്ചു

Next Story

കൊയിലാണ്ടി സ്പെഷ്യാലിറ്റി പോളിക്ലിനിക്കിൽ ജൂൺ 10 ചൊവ്വാഴ്ച പ്രവർത്തിക്കുന്ന ഒപികളും ഡോക്ടർമാരും സേവനങ്ങളും..

Latest from Local News

അവകാശങ്ങൾ നിഷേധിക്കുന്ന സംസ്ഥാന സർക്കാരിനെതിരെ അനിശ്ചിതകാല പണിമുടക്കിന് തയ്യാറാവണം; കെ എം അഭിജിത്ത്

കോഴിക്കോട് : 1973 ലെ ഐക്യമുന്നണി സർക്കാറിൻ്റെ കാലം മുതൽ നടപ്പിലാക്കുകയും കഴിഞ്ഞ 5 പതിറ്റാണ്ട് കാലം മാറി മാറി വരുന്ന

കൊയിലാണ്ടി സ്പെഷ്യാലിറ്റി പോളിക്ലിനിക്കിൽ ജൂലൈ 02 ബുധനാഴ്ച പ്രവർത്തിക്കുന്ന ഒപികളും ഡോക്ടർമാരും സേവനങ്ങളും..

കൊയിലാണ്ടി സ്പെഷ്യാലിറ്റി പോളിക്ലിനിക്കിൽ ജൂലൈ 02 ബുധനാഴ്ച പ്രവർത്തിക്കുന്ന ഒപികളും ഡോക്ടർമാരും സേവനങ്ങളും.. 1. കാർഡിയോളജി വിഭാഗം. ഡോ:പി. വി ഹരിദാസ്

ഡോക്ടേഴ്സ് ഡേയിൽ ഡോക്ടർമാർക്ക് കൈൻഡിന്റെ സ്നേഹാദരം

കീഴരിയൂർ:നാഷണൽ ഡോക്ടേഴ്സ് ഡേയുടെ ഭാഗമായി കൈൻഡ് പാലിയേറ്റീവ് കെയറിന്റെ ആഭിമുഖ്യത്തിൽ കൈൻഡിലെ മെഡിക്കൽ ഓഫീസർ ഡോക്ടർ സായന്ത് ബി കുമാർ,കീഴരിയൂർ ജെ.വി

കൊല്ലം ഗുരുദേവകോളേജില്‍ പ്രവേശനോത്സവം

കൊയിലാണ്ടി: നവാഗതരെ സ്വാഗതം ചെയ്തു കൊണ്ട് കൊല്ലം ഗുരുദേവ കോളേജ് ഓഫ് അഡ്വാന്‍സ്ഡ് സ്റ്റഡീസില്‍ പ്രവേശനോത്സവം സംഘടിപ്പിച്ചു.കുട്ടികളുടെ വിവിധ കലാപരിപാടികള്‍ നടന്നു.