മേപ്പയ്യൂരിൽ തെരുവ് നായകൾ വിലസുന്നു പൊറുതി മുട്ടി നാട്ടുകാർ ; പ്രക്ഷോഭവുമായി കോൺഗ്രസ്

മേപ്പയ്യൂർ പഞ്ചായത്തിൽ തെരുവ് നായ ശല്യം ഭിതി ജനകമയ അവസ്ഥയിൽ. മേപ്പയൂർ ടൗണിലും ഗ്രാമിണ മേഖലകളിലും നായകൾ പെരുകുകയാണ്. തെരുവ് പട്ടികൾക്കെതിരെ നടപടി ആവശ്യപ്പെട്ട്

മേപ്പയ്യൂർ പഞ്ചായത്ത് ഓഫീസിന് മുന്നിൽ ജൂൺ അഞ്ചിന് രാവിലെ 10 മണിക്ക് കോൺഗ്രസ് പ്രതിഷേധ ധർണ്ണ നടത്തും. മേപ്പയ്യൂർ പരിസര പ്രദേശങ്ങളിൽ നിത്യേനെ തെരുവ് നായകളുടെ അക്രമണത്തിന് കുട്ടികളടക്കം ഇരയാക്കുകയാണ്. നിരവധി തവണ പട്ടികളുടെ ആക്രമണം ഉണ്ടായിട്ടും യാതൊരു നടപടിയും എടുക്കാത്ത സർക്കാർ നടപടിയിൽ മണ്ഡലം കോൺഗ്രസ് കമ്മറ്റി പ്രതിഷേധിച്ചു. മണ്ഡലം പ്രസിഡണ്ട് പി.കെ. അനീഷ് അധ്യക്ഷത വഹിച്ചു. ഡി. സി. സി. സെക്രട്ടറി ഇ.അശോകൻ ഉദ്ഘാടനം ചെയ്തു. ബ്ലോക്ക് കോൺഗ്രസ് പ്രസിഡണ്ട് കെ.പി. രാമചന്ദ്രൻ, ശ്രീ നിലയം വിജയൻ, സി.പി. നാരായണൻ,സത്യൻ വിളയാട്ടൂർ, ഇ. കെ. മുഹമ്മദ് ബഷീർ പറമ്പാട്ട് സുധാകരൻ ,സി.എം ബാബു, സുധാകരൻ പുതു ക്കുളങ്ങര, രവിന്ദ്രൻ വള്ളിൽ, ഷബീർ ജന്നത്ത്, ടി.കെ അബ്ദുറഹിമാൻ, ആർ.കെ. രാജീവ്, പെരുംമ്പട്ടാട്ട് അശോകൻ, പി.കെ. രാഘവൻ, അന്തേരി ഗോപാലകൃഷ്ണൻ പ്രസന്നകുമാരി കുഴിക്കൽ , റിഞ്ചു രാജ് ഐ.ഡി,എന്നിവർ സംസാരിച്ചു.