കൊയിലാണ്ടി: നഗരസഭയിലെ പെരുവട്ടൂർ ബഡ്സ് റിഹാബിലേഷൻ സെൻ്ററിൽ കുടുംബശ്രീയുടെ ആഭിമുഖ്യത്തിൽ സൗഹൃദ ബിആർസി പ്രവേശനോത്സവം 2025 സംഘടിപ്പിച്ചു. നഗരസഭ അധ്യക്ഷ സുധ കിഴക്കേപ്പാട്ട് ഉദ്ഘാടനം ചെയ്തു. ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ കെ ഷിജു അധ്യക്ഷ വഹിച്ചു. നഗരസഭ ഉപാധ്യക്ഷൻ കെ.സത്യൻ, സ്ഥിരം സമിതി അധ്യക്ഷരായ കെ.എ.ഇന്ദിര, നിജില പറവക്കൊടി, കൗൺസിലർമാരായ പി.ജിഷ, വത്സരാജ് കേളോത്ത്, ടി. ചന്ദ്രിക, മെമ്പർ സെക്രട്ടറി വി. രമിത ബ്ലോക്ക് കോർഡിനേറ്റർ രശ്മിശ്രീ, പി.ടി. എ പ്രസിഡൻറ് ഗിരീഷ് , രവി, ബഡ്സ് സ്കൂൾ അദ്ധ്യാപിക ആതിര, സി.ഡി.എസ്. അധ്യക്ഷ എം.പി. ഇന്ദുലേഖ, ഉപാധ്യക്ഷ ആരിഫ, സുരേഷ്
എന്നിവർ സംസാരിച്ചു. കലാകായിക മത്സരങ്ങളിൽ മികവ് തെളിയിച്ച കുട്ടികളെ പുരസ്കാരം നൽകി അനുമോദിക്കുകയും ബഡ്സ് സ്കൂൾ അധ്യാപകൻ സുരേഷ്, ജീവനക്കാരി കാർത്തിക എന്നിവരെ ആദരിക്കുകയും ചെയ്തു. സ്കൂളിലെ മുഴുവൻ കുട്ടികൾക്കും കനറാ ബാങ്കിന് വേണ്ടി മാനേജർ വിജേഷ് ഉപഹാരം സമർപ്പിച്ചു.
പരിപാടിയിൽ മധുര വിതരണവും ഭക്ഷണ വിതരണവും നടന്നു. തുടർന്ന് കുട്ടികളുടെ വിവിധ കലാപരിപാടികൾ അരങ്ങേറി.
മധുരം പകർന്ന് സൗഹൃദ ബിആർസി പ്രവേശനോത്സവം
