കോഴിക്കോട്: ലഹരിക്കെതിരെ ശക്തമായ സന്ദേശവുമായി യൂത്ത് റെഡ്ക്രോസ് തയ്യാറാക്കിയ വീഡിയോ , കൊഴിയും മുൻപേ അസിസ്റ്റന്റ് എക്സൈസ് കമ്മീഷണർ ശ്രീ ശരത് ബാബു റിലീസ് ചെയ്തു. ലഹരി വിരുദ്ധ ബോധവത്കരണത്തിൽ യൂത്ത് റെഡ്ക്രോസിന്റെ ഇടപെടൽ ഏറെ പ്രതീക്ഷ ഉളവാക്കുന്നതായി അദ്ദേഹം എടുത്തു പറഞ്ഞു. എക്സൈസ് ഡിപ്പാർട്ടുമെന്റും പോലീസും മാത്രം വിചാരിച്ചാൽ ലഹരി വ്യാപനം തടയാൻ പറ്റാത്ത രീതിയിൽ ലഹരിമാഫിയ പിടി മുറുക്കിയതായി അദ്ദേഹം ചൂണ്ടിക്കാട്ടി.
റെഡ്ക്രോസ് പോലുള്ള സന്നദ്ധ സംഘടനകൾ ലഹരി വിരുദ്ധ സന്ദേശവുമായി രംഗത്തിറങ്ങുന്നത് ഡിപ്പാർട്ട്മെന്റിന് ഏറെ സഹായകരമാണെന്നും അദ്ദേഹം പറഞ്ഞു. കോഴിക്കോട് താലൂക്ക് കോൺഫറൻസ് ഹാളിൽ നടന്ന ചടങ്ങിൽ റെഡ്ക്രോസ് കോഴിക്കോട് ജില്ലാ ചെയർമാൻ മാടഞ്ചേരി സത്യനാഥൻ അധ്യക്ഷത വഹിച്ചു. ഷാൻകട്ടിപ്പാറ, രാജേന്ദ്രകുമാർ , ഗിരീഷ്അരങ്ങിൽ,കെ.കെരാജൻ, ടി.എഅശോകൻ , ആർസി ബിജിത്ത്, കലേഷ് മാസ്റ്റർ, റിഥുൽ എൻ.ആർ, സി ബാലൻ മാസ്റ്റർ, കെ സെനിൻ തുടങ്ങിയവർ സംസാരിച്ചു.
