കുന്ന്യോറ മലയിലെ സ്ഥലം ഏറ്റെടുക്കണം ,സിപി ഐ പ്രക്ഷോഭത്തിലേക്ക്

കൊയിലാണ്ടി : കൊല്ലം കുന്ന്യേറ മലയിൽ ബൈപ്പാസ് നിർമ്മാണത്തെ തുടർന്ന് മണ്ണിടിച്ചിൽ ഭീഷണി നിലനിൽക്കുന്ന റോഡിന്റെ ഇരുവശത്തേയും സ്ഥലം നാഷനൽ ഹൈവേ അതോറിറ്റി ഏറെറടുക്കണമെന്നാവശ്യപ്പെട്ട് സി പി ഐ പ്രക്ഷോഭത്തിലേക്ക്.സി.പി.ഐ. കൊയിലാണ്ടി ലോക്കൽ കമ്മറ്റിയുടെ നേതൃത്വത്തിൽ മെയ് 29 ന് കോഴിക്കോടുള്ള എൻഎച്ച് എ ഐ ഓഫീസിലേക്ക് മാർച്ചും, ധർണ്ണയും നടത്തും. കുന്നിന് മുകളിൽ താമസിക്കുന്ന ജനങ്ങളുടെ ആശങ്ക പരിഹരിക്കണമെന്നും ദേശീയ പാത നിർമ്മാണവുമായി ബന്ധപ്പെട്ട് ജനങ്ങൾ അനുഭവിക്കുന്ന ദുരിതങ്ങൾക്ക് അടിയന്തിര പരിഹാരം കാണണമെന്നും സി പി ഐ ആവശ്യപ്പെട്ടു. ലോക്കൽ കമ്മറ്റി യോഗത്തിൽ ബാബു പഞ്ഞാട്ട് അധ്യക്ഷനായി. ഇ.കെ. അജിത്ത്, കെ. ചിന്നൻ, കെ.എസ്.രമേഷ് ചന്ദ്ര എന്നിവർ പ്രസംഗിച്ചു.