സർക്കാർ ധൂർത്തിനെതിരെ മഹിളാ കോൺഗ്രസ്സ് പ്രതിഷേധം

എൽഡിഎഫ് സർക്കാരിന്റെ വാർഷികാഘോഷ പരിപാടികൾക്ക് വേണ്ടി കുടുംബശ്രീ അംഗങ്ങളിൽ നിന്നും നിർബന്ധ പിരിവ് നടത്തുന്നതിരെ ചെങ്ങോട്ടുകാവ് മണ്ഡലം മഹിളാ കോൺഗ്രസിന്റെ നേതൃത്വത്തിൽ പ്രതിഷേധ കൂട്ടായ്മ സംഘടിപ്പിച്ചു. കെ.എസ്. എസ്.പി.എ വനിതാ വിംഗ് സംസ്ഥാന പ്രസിഡണ്ട് എം.വാസന്തി പ്രതിഷേധ കൂട്ടായ്മ ഉദ്ഘാടനം ചെയ്തു. മഹിളാ കോൺഗ്രസ് മണ്ഡലം പ്രസിഡണ്ട് എ.എം.ദേവി അധ്യക്ഷത വഹിച്ചു. മഹിളാ കോൺഗ്രസ്സ്ബ്ലോക്ക് പ്രസിഡണ്ട് വി.കെ. ശോഭന, ചെങ്ങോട്ട്കാവ് മണ്ഡലം കോൺഗ്രസ്സ് പ്രസിഡണ്ട് വി.പി. പ്രമോദ്, ഗ്രാമപഞ്ചായത്ത് മെമ്പർ കെ. രമേശൻ, നടാഷ കലോപൊയിൽ, സിന്ധു എളാട്ടേരി എന്നിവർ സംസാരിച്ചു. അഴിമതി, സ്വജനപക്ഷപാതം, കെടും കാര്യസ്ഥത എന്നിവ കൊണ്ട് കേരളത്തെ മുച്ചൂടും നശിപ്പിച്ച പിണറായി സർക്കാറിന്റെ വാർഷികാഘോഷ ധൂർത്തിന് കുടുംബശ്രീയിലെ പാവപ്പെട്ട അമ്മമാരേയും, സഹോദരിമാരേയും ഭീഷണിപ്പെടുത്തി പണം പിരിവ് നടത്തിയാൽ ശക്തമായി നേരിടുമെന്ന് പ്രതിഷേധ കൂട്ടായ്മ പ്രഖ്യാപിച്ചു.