മൃഗസംരക്ഷണ വകുപ്പ് നടപ്പാക്കിക്കൊണ്ടിരിക്കുന്ന രാത്രികാല അടിയന്തര വെറ്ററിനറി സേവനം പദ്ധതിയുടെ ഭാഗമായി ജില്ലയിലെ തോടന്നൂര്, കുന്നുമ്മല്, ബാലുശ്ശേരി, കുന്ദമംഗലം, ചേളന്നൂര് ബ്ലോക്കുകളില് വെറ്ററിനറി സര്ജന്മാരെ കരാറടിസ്ഥാനത്തില് (പരമാവധി 90 ദിവസം) നിയമിക്കാന് അപേക്ഷ ക്ഷണിച്ചു. അപേക്ഷകര് വെറ്ററിനറി സയന്സില് ബിരുദവും വെറ്ററിനറി കൗണ്സില് രജിസ്ട്രേഷനും ഉള്ളവരാകണം. ബയോഡാറ്റയോടൊപ്പം യോഗ്യത സര്ട്ടിഫിക്കറ്റുകള്, രജിസ്ട്രേഷന് സര്ട്ടിഫിക്കറ്റ് എന്നിവയുടെ അസ്സലും സ്വയം സാക്ഷ്യപ്പെടുത്തിയ പകര്പ്പുകളും സഹിതം മെയ് 19ന് രാവിലെ 11ന് കോഴിക്കോട് ജില്ലാ മൃഗസംരക്ഷണ ഓഫീസില് വാക്-ഇന് ഇന്റര്വ്യൂവിനെത്തണം. ഫോണ്: 0495 2768075.
വെറ്ററിനറി സര്ജന്: അപേക്ഷ ക്ഷണിച്ചു
