2025-26 അധ്യയന വർഷത്തിൽ പ്ലസ് വണ് പ്രവേശനത്തിനുള്ള അഡ്മിഷൻ ഷെഡ്യൂൾ പ്രഖ്യാപിച്ചു. ഏകജാലക സംവിധാനത്തിലൂടെയാണ് ഇത്തവണയും പ്രവേശനം. ട്രയൽ അലോട്ട്മെന്റ് തിയ്യതി മേയ് 24ന് ആണെന്ന് വിദ്യാഭ്യാസ മന്ത്രി വി ശിവൻകുട്ടി അറിയിച്ചു.
ആദ്യ അലോട്ട്മെന്റ് ജൂൺ 2നാണ്. രണ്ടാം അലോട്ട്മെന്റ് ജൂൺ 10 ന് നടക്കും. മൂന്നാം അലോട്ട്മെന്റ് ജൂൺ 16 ആണ്. മൂന്ന് അലോട്ട്മെന്റുകളിലൂടെ ഭൂരിഭാഗം സീറ്റുകളിൽ പ്രവേശനം ഉറപ്പാക്കി ജൂൺ 18 ന് പ്ലസ് വൺ ക്ലാസ്സുകൾ ആരംഭിക്കുമെന്നും മന്ത്രി പറഞ്ഞു.
