മിനിമം മാർക്ക് സമ്പ്രദായം അടുത്ത വർഷം മുതൽ യുപി ക്ളാസുകളിലും നടപ്പാക്കുമെന്ന് പൊതു വിദ്യാഭ്യാസ തൊഴിൽ വകുപ്പ് മന്ത്രി വി ശിവൻകുട്ടി. പാഠപുസ്തക വിതരണത്തിന്റെ സംസ്ഥാനതല ഉദ്ഘാടനം നിർവഹിച്ചു സംസാരിക്കുകയായിരുന്നു മന്ത്രി. 5, 6, 7 ക്ളാസുകളിലാണ് അടുത്ത വർഷം മുതൽ സബ്ജക്ട് മിനിമം നടപ്പാക്കുന്നത്. ഇതോടെ യൂ.പി ക്ളാസുകളിലും വിദ്യാർത്ഥികൾക്ക് പരീക്ഷ ജയിക്കാൻ മിനിമം മാർക്ക് സിശ്ചയിക്കും.
2024–25 അധ്യയന വർഷത്തിൽ 1, 3, 5, 7, 9 ക്ലാസുകളിൽ പരിഷ്കരിച്ച പാഠപുസ്തകങ്ങൾ അവതരിപ്പിച്ചു. 2025–26 ൽ 2, 4, 6, 8, 10 ക്ലാസുകളിൽ പരിഷ്കരിച്ച പുതിയ പാഠപുസ്തകങ്ങൾ നൽകിയതെന്നും അദ്ദേഹം പറഞ്ഞു. സ്കൂളുകൾ ഉത്കണ്ഠയുടെ ഇടങ്ങളല്ല, സന്തോഷത്തിന്റെ ഇടങ്ങളായി മാറണമെന്നും ഇതിനായി ആകർഷകമായ കായിക പരിപാടികളും അർത്ഥവത്തായ വിദ്യാഭ്യാസ ഇടപെടലുകളും നടത്താൻ നടപടി സ്വീകരിച്ചിട്ടുണ്ടെന്നും മന്ത്രി കൂട്ടിച്ചേർത്തു.
