വീണ വിജയന് പ്രതിയായ സിഎംആര്എല് മാസപ്പടി കേസില് എസ്എഫ്ഐഒയുടെ കുറ്റപത്രം എന്ഫോഴ്സ്മെന്റ് ഡയറക്ടറേറ്റിന് കൈമാറാന് എറണാകുളം അഡീഷണല് സെഷന്സ് കോടതി നിര്ദേശം. എസ്എഫ്ഐഒ സമര്പ്പിച്ച കുറ്റപത്രത്തിന്റെ പകര്പ്പ് തേടി ഇഡി നേരത്തെ അപേക്ഷ നല്കിയിരുന്നു.
ആദായനികുതി വകുപ്പിന്റെ അന്വേഷണ റിപ്പോര്ട്ടിന്റെ മാസപ്പടി കേസില് അടിസ്ഥാനത്തില് ഇഡി അന്വേഷണം തുടങ്ങിയിരുന്നു. സിഎംആര്എല് ഉദ്യോഗസ്ഥരെ വിളിച്ചു വരുത്തി മൊഴിയെടുത്തിരുന്നു. അതിനിടെയാണ്, കേസില് അന്വേഷണം നടത്തിയ സീരിയസ് ഫ്രോഡ് ഇന്വെസ്റ്റിഗേഷന് ഏജന്സി എറണാകുളം അഡീഷണല് സെഷന്സ് കോടതി 7 ല് വീണ വിജയനെ പ്രതിയാക്കി കുറ്റപത്രം സമര്പ്പിച്ചത്.
