മുസ്‌ലിം ലീഗ് മഹാറാലി മേപ്പയ്യൂരിൽ വൻ ഒരുക്കങ്ങൾ

മേപ്പയ്യൂർ: ഭരണഘടന വിരുദ്ധമായ വഖഫ് ഭേതഗതി നിയമത്തിനെതിരെ ജന ലക്ഷങ്ങളെ അണിനിരത്തി 16 ന് കോഴിക്കോട് മുസ്‌ലിം ലീഗ് നേതൃത്വത്തിൽ കോഴിക്കോട് കടപ്പുറത്ത് നടത്തുന്ന മുസ് ലിം ലീഗ് മഹാറാലി വൻ വിജയമാക്കുവാൻ മേപ്പയ്യൂർ പഞ്ചായത്ത് മുസ്‌ലിം ലീഗ് കമ്മിറ്റി കൺവൻഷൻ തീരുമാനിച്ചു.മേപ്പയ്യൂരിൽ നിന്നും 500 പേരെ റാലിയിൽ പങ്കെടുപ്പിക്കുവാൻ തീരുമാനിച്ചു. ഇന്നും നാളെയുമായി മുഴുവൻ ശാഖാ കമ്മിറ്റി അടിയന്തിര യോഗങ്ങൾ വിളിച്ചു കൂട്ടുവാൻ തീരുമാനിച്ചു.പഞ്ചായത്തിലെ മുഴുവൻ മുസ്‌ലിം ലീഗ്, വനിതാ ലീഗ്, യൂത്ത് ലീഗ് ,എം.എസ് എഫ് പ്രവർത്തകരെയും റാലിയിൽ പങ്കെടുപ്പിക്കുവാൻ തീരുമാനിച്ചു. മുസ് ലിം ലീഗ് സംസഥാന കമ്മിറ്റിഅംഗം എ.വി.അബ്ദുല്ല ഉദ്ഘാടനം ചെയ്തു.പ്രസിഡൻ്റ് കമ്മന അബ്ദുറഹിമാൻ അധ്യക്ഷനായി.ടി.കെ.എ ലത്തീഫ്,എം.എം അഷറഫ്, കെ.എം.എ അസീസ്, ടി.എം അബ്ദുല്ല, ഇല്ലത്ത് അബ്ദുറഹിമാൻ, കീപ്പോട്ട് അമ്മത്, മുജീബ് കോമത്ത്, കീപ്പോട്ട് പി മൊയ്തി, വി.മുജീബ്, കെ.എം കുഞ്ഞമ്മത് മദനി, ഷർമിന കോമത്ത്, സറീന ഒളോറ, അഷീദ നടുക്കാട്ടിൽ സംസാരിച്ചു